我家的蕃茄蛋

 

 

已經好多天無煮飯, 懶蟲上身!工作上總算暫時忙完, 日日食外賣, 最明顯係腸胃差左。響想煮與唔想煮之間, 惟有煮一D最簡單既野。蕃茄蛋係每個媽媽都會煮既食物,每一個家都有自己style。 想當年剩係識煲公仔麵既我, 爸媽移左民, 每日唔係公仔麵就係外賣, 有一日突然好想食蕃茄蛋, 唸住咁鬼簡單實煮到, 點知勁難食, 於是去一些標榜住家餸的小店食, 亦唔係我食開既味, 其間試左N咁多次都係失敗收場!直至有一天媽媽回香港小住, 看她煮了一次, 以後都可以再次食到我家的蕃茄蛋!

因為我們都好喜歡撈汁, 所以媽媽這個蕃茄蛋超爆汁呢!看似份量好大, 但因為每次食都勁開胃, 所以好飽都會食晒佢!

材料 :
1. 大肉茄 - 3個
2. 雞蛋 - 5隻(我減了兩個蛋黃)

調味料 :
1. 茄汁 - 1大湯匙
2. 糖 - 3茶匙(我用了兩小包代糖)
3. 豉油 - 2茶匙

做法 :
1. 蕃茄切粒(我會留皮)
2. 蛋炒成滑蛋盛起備用

 

3. 用少許油爆炒蕃茄粒大約5分鐘
4. 加入調味料兜勻
5. 加水至不多於蕃茄的高度
6. 倒入滑蛋兜勻蓋上,小火煮5分鐘, 熄火,至食才打開蓋

 

 好明顯太多日無煮飯, 份量預大左, 飽到呢!夠第二日帶飯返工!
清茶淡飯又一餐,爽!

同場加映:
話說有3樣東西我係無可抗拒, 分別係薄荷,薑,紫菜。 有一日響公司突然醒起之前果晚睇電視廣告賣薑味杏仁餅, 嘩即刻眼發光!即刻打比老公碎碎唸, 又話幾鐘意食杏仁餅, 又話鍾意薑呀, 加埋係絕配呀咁, 我老公一味唔唔唔...因為佢係一個沉默寡言既人, 唔唔唔已經好比面, 平時響屋企都係得我把聲響到bala bala bala..咁講完就收線繼續做野。
點知果晚佢返到黎, 突然響背囊拎左袋鉅記出黎, 唔洗講梗係我既薑杏仁餅啦!yeah!
個packing好靚wor!

$77本來就唔貴, 但打開原來得10塊就好貴lor!!即係$7.7/塊!
一打開包裝已經聞到好香薑味, 食落好味到震, 仲食到有少少薑既纖維,食完個口都仲有薑味好正正呀!我話得10塊咁少真係貴, 老公就話, 你食晒佢lor!經我多年翻譯佢說話既經驗即係話佢唔同我爭, 我可以一人獨享, 港女如我, 滿口薑味的連聲叫好,yeah~~