hea hea 的一天

國慶對我黎講, 除左多了一天假期外就別無意義!一覺睡到中午12點幾, 超級爽YY呢!之前本來想趁著假期出銅鑼灣的焙烘舖逛逛, 但想到出到銅鑼灣隨時多人到迫到頭都甩, 惟有打消念頭。

求 其食左lunch, 就去左睇戲啦, 去左睇3D逃出生天, 超級好睇, 彭氏兄弟果然有保證, 特技做得好好, 節奏好緊湊緊張, 有幾幕嚇到忍唔住叫了出來, 隔離位的那位男士比我嚇到踢腳, 真不好意思呢..haha..當見到飾演消防員的劉青雲因為職責沒有先救妻子李心潔, 又忍唔住喊左出黎呢, 女人真係煩..haha

幸好一早定了飛, 全場滿座, 我們的位置在中間!

 

 睇完戲去左附近的international, 可能因為肚餓的關係, 見到唸兩盒卷蛋流晒口水, 即買!
今天果然好hea, 求其在梳化影相, 更加忘記把電話踢出鏡頭..haha
呢款係nuts,杏仁之類, 脆脆的中間係朱古力醬!

呢個係tiramisu, 好濃的酒味, 每樣食左兩片好heavy 喔!仲好飽tim!

 食飽就去搵dingding玩當係消化一下, 懶懶的只肯和我的手指玩躲貓貓^^

 以為我在上面?

 驚覺我在側邊!

噢, 被捉到了!手指正在遭殃...

 雖然有D飽, 但都好想食d咸野, 簡簡單單做凍豆腐, 毫無技巧, 平常都係食盒裝豆腐, 突然想買豆腐檔的, 難食!樣衰,唔滑,又硬,無豆味, 好在有汁救了一把!汁都係求求其其用了醬油+味醂, 再加上素肉鬆和紫菜已經好好味!

 今日天氣清涼, 又唔曬,好舒服!真係又悠閒又懶惰的一天, 

I love it!^^