巫婆的南瓜粉

 

我係一個唔中意食麵包同餅乾既人, 對於自己唔中意食既野我係唔會整既, 正因為如此

同搓麵粉有關既一切我都未整過, 有日睇一個台灣網見人整南瓜粉, 又傻頭傻腦死跟, 

星期日做左一次, 嚴重失敗, 我知係我落得太多水, 可愛的小南瓜白白犧牲,第二日唔

知死又做, 最可怕係一滴水都無落都係過濕, 痴手痴腳, 好明顯個南瓜太靚太多水, 

至細遇到解決唔到既事我都會去訓覺逃避現實, 於是我將所有材料連架撐掟晒入雪櫃

跟手去訓覺, 點知出黎個爛鬼麵團雪到乾鬼左, 竟然搣得起, 嗱嗱聲搣出黎掟入

水定型, 係叫整到既, 但樣衰到呢, 睇黎我要開一個樣衰系列先得!

第二日返公司同同事講, 資深烘焙友同事分析, 水都粉個比例係點, 南瓜咁水應該

遂d逐d落...碎碎唸, 不過我聽唔入耳, 因為我永遠都唔會再整, never!

睇下!幾水!

 

睇下!幾樣衰 

 

 

咁我又唔會浪費食物既, 係樣衰, 都會照食, 我用西芹和番茄攪碎, 呢兩樣野加埋

又係無比樣衰,加埋d南瓜粉, 煮既時候, 我以為我係巫婆煮緊毒液,

最後加d cream 再9唔搭8加素丸, ok wor!都幾好食wor!

 

老公返到黎, 我偷昅佢個樣, 佢係
我發盡我既虎威問佢:咩事呢!
佢話:無, 你今日住d野咁可愛既!
我話:好有營養架!
佢:哦,好呀, 我食晒佢!
而結局係食晒仲帶埋返公司做lunch tim!