豉汁炆粟米

 

又係媽媽的食譜, 起初她對我說, 我就係覺得, 嘩, 好怪誕WOR,

好似有D九唔搭八咁, 因為粟米就甜, 豉汁就咸,

加埋一齊仲要餸飯, 幾奇怪都有, 但有日因為唸唔到煮咩好,

又試下!!!跟住同老公講會食豉汁炆粟米, 佢既反應同我一樣, 咁奇怪!!

OK,事實証明, 對自己未試過既野就唔好早早下定論!!

我地直頭食到停唔到咀, D粟米炆過"淋左", 重點係粟米芯索晒D豉汁,

食到我地啜啜聲!

痴線!邊個話食素無野食!邊個話食素就一定清茶淡飯!Shut UP!(突然激動)

講返正題, 媽媽說她是買一款台灣出的油浸豆豉篤爛, 而我在香港

就好HEA 咁去百佳睇, 全部豆豉醬都有蒜, 但就發現左

李錦記的香辣豆豉醬, 好掙扎, 因為老公食唔到辣,

但都係買左...HAHHA但正正係因為有少少辣, 所以才惹味到停唔到咀!

材料 :

粟米 - 3條

調味料:

1. 水

2. 香辣豆豉醬 - 3湯匙

3. 糖 - 2茶匙

4. 素蠔油 - 1湯匙

做法:

1. 先把粟米切成一口大小

 

2.把所有調味料下鑊再下水兜勻後下粟米, 水的份量大約如圖中可浸到粟米

 

 3. 炆至汁開始"杰"即可, 但必須有汁!!!因為最後會忍唔住撈飯!