紅豆椰汁糕

我星期六要返工半天, 我喜歡星期六多過星期日, 

星期日通常都懶洋洋

唔想出去, 如果我係男人就好, 求其換套衫就行得, 一唸起個頭

好似癲雞,個樣又無厘精神,即係又要攪頭又要執下個樣先出得

街就煩!星期六就唔同啦, 放工12點幾就可以躝街。我最中意

星期六周圍行街,當然我唔會行好遠, 最遠都係銅鑼灣就算。

今日呢就去左行間大超級市場,勁開心, 因為同老公行, 如果行

得太耐佢會唔耐煩, 一個人行幾耐都得!行呢D大超級市場有

好多試食呀,好多推銷呀, 最鬼怕, 通常個D嬸嬸個樣都好鬼慈祥, 

好難拒絕, 所以都係一路行一路聽歌, 佢地見到我條headphone

都唔會向我推銷!行過見到有椰汁糕食,可能未食lunch,

買左件食, 甜到阿媽都唔認得!而且係爽爽的, 唔中意囉, 

我中意食綿綿的, 好似酒樓個d咁, 唸唸下自己整, 反正屋企有料,

當清雪櫃!返到黎上網睇下人地點整, 搵到有人同我一樣中意

綿綿的, 就照跟人地個食譜啦, 只係改動左少少, 可惜!!我掛住打機, 

攪到D時間錯晒!!味道係OK, 但口感唔好LOR!人地個D明明靚D!!

好彩椰汁味同甜味都岩岩好, 下次再整多一次要金晴火眼先得!! 

強調!唔係食譜問題, 係我問題!

食譜來自 :吳太-「玲」感蛋糕

整裝待發,量好晒材料慢慢整!

 

 材料 :
1.蛋白(我用蛋白粉) - 35g
A. 素食魚膠粉 - 16g,海藻糖 - 35g
2. 水 - 150g
3. 椰汁 - 100g
4. 奶 - 80g

做法:
1. 煮滾水,將"A"分次加入,攪勻(攪攪下去左打機, 所以有粒粒)
2. 收細火,加椰汁,奶,攪勻,一滾即熄火.坐水放涼.
3. 蛋白粉打起
4. 將打起的蛋白加入"2",攪勻,倒入鋼兜,放入冰箱雪4分鐘,拎出來攪拌勻
(又係打機,雪左12分鐘,癲左!如果唔係咁,應該好好食!)
5.倒入模/大盤,入雪櫃1個鐘,取出,切好

 

 食時唧點紅豆蓉一齊食,好好味!
EEE....點解D紅豆蓉咁似dingding d屎既!!!