可怕

呢個係舊post, 而事件亦完了!^^
本來個標題叫恐X的eye, 但我連呢幾個字都唔想見到!
我好少出post無食物, 因為實在太可怕, 一定要記低!雖然我平時大大

聲聲, 其實我對某d野好鬼細膽!就係鬼怪呀, 離奇呀,陰森呀個d。

事緣我屋企係一梯兩伙, 兩伙係打對面, 響兩個單位中間係lift。

咁我對面的鄰居呢幾個星期裝修, 佢地換左個大門, 但大門未裝上防盜

眼,只有一個比防盜眼大dd的洞, 未裝玻璃。因為有dingding費時烏糟,

所以我唔會放鞋入屋,我d鞋係放屋外, 順理成章我每朝返工都會行出

屋外著鞋。今朝我烏低身縛完鞋帶一企起身,一望鄰居道門, 響個洞有一隻眼望住我囉!!!!

個隻眼瞪到大一大!!勁恐怖呀!!!我第一時間仲以為係自

己既眼既反影,頂!!嚇到個心都離晒, 唔敢望第二眼就衝入lift,

好彩有lift咋!雖然我知o個個係裝修佬, 因為響我出門口前15分鐘我聽

到有人出入過,喂!知還知,唔驚架!!!衝到落街打比死佬, 點解老公變死佬,

因為佢剩係勁輕描淡寫, 仲笑我囉!今晚返屋企要一路大聲講電話一路

衝入屋先得!!!如果比我見到個裝修佬真身, 一定要剷到佢上天花板!!