收: 送架喎!
我: 我知, 但係我唔要啦!
收: 唔洗錢架喎!
我: 我唔係用開呢隻牌子我唔要啦!
收:(又重複) 唔洗錢架喎!
我 : 真係唔要啦唔該!
收: 好扺架喎!
我:(勁煩躁)咁送比你丫!
竟然...
收:我都想, 不過我地唔要得..
好彩, 通常響呢個時候後面總有些太太會話: 不如比我丫!
我:(感恩) 好呀!唔該晒!
呢D情形成日發生, 究竟收銀員點解會堅持到咁呢?我真係唔明白!重到死拎到返去我都唔會用, 又係浪費, 點解唔可以留比D真係會用既人呢?好奇怪!
呢 個情形仲會發生響+1蚊多一件上, 咁有D野我根本無可能用到兩件, 點解我要+1蚊買多件返去先??可能有D人會話, 你拎左返去比D有需要既人用囉!講真我又唔知邊個有用, 我屋企又唔係貨倉,煩死人!所以好熟既人都會知道唔會送禮物比我, 因為唔岩用我係會當面拒絕, 可能有人會覺得都係心意ja, 我就正正唔想浪費人既心意, 所以我的家人通常都係節現比我自己買, 我又開心, 佢地見到我真係用佢地買既野又開心!
近來好鬼懶煮飯, 又唔知煮咩好, 買餸昤雄心壯志, 返到屋企又唔想煮, d餸放左入雪櫃好幾日都唔想去攪, 不過再唔整就真係會爛, 煮囉煮囉!
自細我都好鬼中意食炆釀豆腐卜, 近來想試下用素去煮, 口感梗係唔彈牙啦, 但加埋調味又幾好食喎!其實如果我唔係咁眼訓我會落多D料,例如甘荀蓉,磨菇粒, 而個賣相都唔會咁樣衰
材料 :
1. 豆腐卜 - 4兩
2. 中型薯仔 - 1 個
3. 蓮藕 - 1節
調味料:
1. 豉油
2. 糖
3. 麥皮 - 2湯匙
4. 蛋白 - 1隻
5. 素雞粉 - 1茶匙
做法:
1. 豆腐卜出水揸乾水剪開一半備用
2. 薯仔去皮蒸熟,趁熱壓成薯蓉
3. 蓮藕剁或攪拌成蓉與薯蓉和調味料混合
4. 把混合物釀入豆腐卜
5. 塗上蛋黃
6. 灑上芝麻
7. 略煎至金黃(OK, 我係煎得樣衰)
8. 用水, 老抽,糖炆至索晒汁食得
為免麻煩，如果有贈品大件又重既，我選擇唔入去買野，費事拎。
回覆刪除Hi May E, happy to see you here!
刪除萬寧係事先唔會知架(可能我無留意), 比錢先知, 但你為左個贈品寧願唔買野好好笑..haha