中秋奇想

好開心, 想般的post都全搬了過新blog,呢篇開始可以同步update,
唔知可唔可以堅持呢?
沒有家人在身邊, 對我來說, 所有節日和平日沒有兩樣。而好幾
年來, 因為工作關係, 和老公都係分開渡過所有節日。 今日大家
都有時間,本來打算去大坑睇舞火龍, 又或者去維園湊熱鬧, 果然
對我黎講 no plan is good plan!早左收工,返到屋企, 一睡就到晚
上8:00!咁好閒既, 唔去囉!於是草草食左D壽司外賣,就打算落樓
下散步。卸下妝容, 摘下令眼睛疲累的隱形眼鏡,換上舒服的衣
服就出發。吹著涼風,世界變得好寧靜,遇到同道中人, 一個人的
中秋又如何, 自得其樂亦是一個不錯的選擇!

 

 突然看到原來地上都鑲上小魚, 平時為生活奔波, 

竟然忘了世界的美

 

不知不覺愈行愈遠, 竟然行到了一條屋村, 突然去了另一個世界,
熱鬧非常,大人席地而坐, 小孩東奔西跑!我倆擘大個口得個窿!

 

 魚船都全部回來, 船上燈火通明,都是大笑聲

有小孩偷偷煲爉, 想起小時候和妹妹最期待的一幕

U turn回程,從熱鬧變回靜寂, 今晚覺得好輕鬆, 
今晚驚覺我已不是小孩, 因為我的手上沒有燈籠