黑芝麻卷

 

近日和大妹傾開電話, 大家都不約而同地覺得自己的人生實在太dry!應該得到的都得到, 得不到的亦懶得爭取。生活過得好平淡, 需則平凡是福, 但如果人生中只有甜味, 結局就是乏味!尤其是我自己, 本來就好喜歡刺激, 結婚前, 我好想一個人去土耳其流浪, 因為實在喜歡她的建築, 她的文化,更加想在土耳其親嚐土耳其軟糖呢!但聽到是"一個人" "土耳其" "流浪"反對之聲不絕, 我既目標就係體驗生活,莫非要一大團人去瀏覽?!哼!當然我可以不顧一切去做我喜歡的事, 反正我本身就係一個討厭負責任的人, 但實在不忍身邊的人那可憐夸夸的擔心模樣, 最受不了這種樣, 所以一直沒有再說出口, 但心意是不變的!因為我自己知道, 我並唔係取消, 我只是推遲!反正我仲後生, 只要我還有氣力, 我都可以做到!

說回和妹妹的對話, 大家希望找一個共同目標, 因為人生無目標係同條咸魚無分別..haha..大家想了好久, 看著大妹剛send來的相, 驚覺她胖了, 因為她早前做實習, 因壓力過大需要不停吃東西減壓, 現在實習完了, 亦肥了好多,所以我地最後既結論係鬥減肥!我自己本身又無肥左好多, 只是舊年一次大PK, 令雙腳受了傷, 洗傷口整個月!自此, 家人都叫我唔好跑步,亦唔好踩單車=="因為驚我再大PK!所以近年都好少做運動。我亦希望可以做多一點運動, 令肌肉結實一D!而我地既目標係26/12 boxing day由細妹做評判, 因為我們3姊妹都住在不同國家, 由不是經常見到又親近的人做評判好fair!

至於徾罰, 大家選了自己最最最可怕的食物, 大妹選了納豆, 佢形容為係鼻屎+鼻涕, 佢曾經因為食過少量而嘔吐大作, 佢既徾罰係要食一兜!而我呢!OMG!唸起都想反胃, 就係冬菇!冬菇我覺得仲恐怖過榴槤!我連人地食完冬菇同我講野都受唔到!我已經唔係憎冬菇, 我係怕!!haha...
而我既徾罰係食5粒冬菇!我唔可以輸架!!我真心勁驚!

而家我定左我既運動大計由1/10開始。唔會點節食亦唔會減甜品, 因為一向煮甜品都有減糖, 亦唔係食好多, 無必要變成零!只要均衡就可!而運動我要好好plan一下, 令自己安全亦不要太沉悶, 總之我真係唔可以食冬菇!

有左目標突然勁精神!我要睇住大妹食鼻屎+鼻涕(納豆)!哼哼!

都話1/10先開始, 又整左甜品, 因為今個月係我最愛的外婆的忌辰, 做了這位大笑姑婆最愛的芝麻卷, 雖然用錯左一把超鈍的刀子切得樣樣衰衰,而我又好hea咁只用左多多而無去磨芝麻(懶呀!) 但我知道外婆係唔介意的, 希望在天上的外婆都會嚐到我愛佢既心意!
材料 :
馬蹄粉 - 48g
鷹粟粉 - 10g
澄麵 - 20g
砂糖 - 1.5茶匙
油 - 0.5茶匙
水 - 250ml
多多黑芝麻粉 - 1包
做法 :

1. 把材料各自混好
2. 倒入漿,剛夠覆蓋盤底就OK
3. 中大火蒸5分鐘
4. 取出, 涼左就可以卷, 切成喜歡的長度
(用刀挑起少少邊就可以卷)

 呢個份量可蒸4round(好明顯短左果條係試(偷)食..hehe)

 喂呀!好鈍呀呢把刀!切得好樣衰呀!