檸蜜啫哩/果凍/Jelly

 

因為牙齒敏感所以甚少食凍野, 但一到夏天就不顧一切成日想食

以前好中意食啫哩, 咁梗係羅X臣啦...但近年嫌太甜, 同埋唔想食魚膠, 所以就自己做啦!

謝謝妹妹的苦瓜果凍給我靈感, 但苦瓜汁我需要一點時間去適應

於是我就買左大菜啦 :

 

 我只係用左一半, 首先剪段用凍水浸軟再用4.5碗水大火煮至完全溶

 

用平時飲開的蜜糖沖水, 比例係比平時飲甜D, 因為一回兒會再溝稀

 

檸檬切走頭尾其他切片, 我中意酸D, 用左3個,  

 

放入蜜糖水, 好似平時篤檸茶咁篤爛佢!盛起檸檬和核, 倒入稍涼的大菜水 

 

把蘆薈粒平均分進啫喱杯, 當然可以放任何野

 

(勁開心, 響舊式街市揾到呢款兒時的啫喱杯)

再倒入混合好的大菜檸蜜水, 放涼入雪櫃, 而我通常會加淡奶同吃!正!正!正!又食得放心!

 

之前切頭切尾的不要浪費, 放入雪櫃吸味