煎南瓜脆餅

自從把BLOG移至BLOGSPOT 後, 發覺YBLOG靜了好多, 我自己都將大本營移到那裡,但這裡就算無人再睇我都會寫到最後一秒, 見証陪著我們多年的YBLOG的落幕。愚公移山的過程好痛苦, 做了兩天都未做好, 雙眼疲憊不堪, 加上晚上看"步步驚心"結局篇, 內容悲慘, 喊到我停唔到, 我覺得我會盲。

本 想大覺訓快快休息雙眼, 收到爸爸打來講了一件傷心的喜事給我知, 為什麼喜事是傷心, 因為喜事本應都關我們一家事, 本來我們都可以非常開心地參與,但在我們不知道的情形下已發生了, 感覺自己係nothing, 原來已經不關我事, 爸爸係一個EQ極高的硬漢子, 響全屋都係女人的家庭中, 佢永遠都係冷靜而有耐性, 對任何事都處之泰然,他安慰說不要太執著, 我承認我對其他事都好hea, 但對於情感上的事係一個超級stubborn的人, 當愈係care一個人時, 而得不到同等的care, 都會非常hurt, 我承認即使平時可以幾硬淨, 遇到呢類事情都會變得好脆弱, 那種不被尊重的感覺好差, 希望事情繼續發展下去不要再令我有hard feeling就好了, please don't hurt me!我成日都唸, 如果我係一個極度冷血的人就好了。

例牌逃避現實最好既方法唔係食就係訓, 無心機整麻煩野, 腦中一片空白唔知食咩好, 上網睇下有咩靈感, 看到網友用南瓜刨絲煎餅, 看似簡單惹味, 岩晒慰藉我孤單的心靈, 食物果然令人心情好一點, 給我能量, 我希望我不會太激動去面對這個人。

給大家介紹這惹味的能量食物吧!
食譜參考自:小漫的BLOG。

材料 :

1.南瓜(刨絲) - 半個
2.雞蛋 - 1隻
3. 麵粉 - 300G
4. 麥皮 - 3大匙
5. 糖 - 1湯匙
6. 鹽 - 0.5茶匙
7. 水 - 半杯

 

做法 :將所有材料撈勻

油不用大滾, 逐羹放入, 兩邊煎成餅即可