出街食 - 大自然素食(銅鑼灣)

今日留低老公同老表出街食飯, 去左銅鑼灣大自然素食, 呢間野其實食左好幾次, 去完又去梗係因為好味啦, 同埋佢地係新式素菜。


今次兩條友食左個2人餐, 但我唔記得影menu...hhahah..係個D佢比個範圍係自己選前菜,湯,2個餸個D
前菜係麻香粉皮 : 好好味, 好香, D粉皮唔硬剛剛好

湯 係素翅 : 老表話叫呢個係因為素翅貴WOR..hahah...我覺得一般, 但老表飲第一啖時眼發光+極快KO左

主菜一係浦燒鰻魚 : 唔似鰻魚, 但好香,多得D汁

主菜二係咖哩羊腩煲 : 因為我係唔食牛羊既, 所以我唔知佢似唔似味, 總之好咪理得佢丫, 個咖哩好香, 有椰汁, D素羊楠索晒D汁, 為左佢我地叫左兩個白飯

最後仲有個白果腐竹糖水送, 但飽到呆左唔記得影...總括來就仲係好好味又好座, 開心的一晚!

同場加影 : 老表剛從新加坡旅行回來帶來手信, 特產斑蘭蛋糕, +蘋果味和黑加倫子味益力多, 蛋糕一返到屋企食晒咁滯, 我好肥呀