雪菜豆乾魚片鴛鴦米

 

以前的我直腸直肚, 見到有咩唔順眼的事我都會炮轟任何人, 不論是誰我都不會比面。至從開始逐漸

食素後,有一天我突然覺得我不能再用這種霸氣態度對待人, 我盡量希望自己和善一點, 對人對自己

都會舒服一些。遇到一些不平的事,我盡量收起我殺人的表情, 我盡量從容對任何事, 但有D人偏偏欺

善怕惡!事緣我家樓下只有一間豆品店, 而佢亦打正祺號兼賣齋, 順利成章我成日都幫襯佢, 有一次我

去買素蠔油, 因佢有自製素鮮竹卷都頗好味, 於是我便問佢的鮮竹卷是用那種蠔油, 而佢竟說不是用

素蠔油!!雖然對我來說不是太大影響,但 對一些食長齋的人來說係好可怕的事!

我同佢講如果係咁唔該唔好話比人知係齋, OK, 佢梗係無理我啦!又有一次, 我打算買一些齋零食寄給

我爸爸, 我通常會叫佢唔好一次過食晒, 要拖長食, 所以順勢看到期日, OMG!1包已過期半年, 1包剛剛

到期, 好採睇下, 因為我肯定我爸爸唔會睇lor!我好言叫佢留意下, 又不了了之啦!前幾日我去買烤麩, 

買左行行下醒起拎出黎睇下, 頂!又係過期, 仲過左足足一年!痴線, 好扯火!但!我仍然細細聲同佢講過左

期留意下,叫佢退返錢比我, 佢竟然叫我買其他野,我覺得佢離晒大譜, 我用近乎咆哮既聲線同佢講,

我絕對唔會買佢檔口任何野, 立刻退錢!老人家未必會好似我地咁樣留意到期日, 咁樣會食死人, 仲有

你唔係賣齋唔好話自己個D係齋!其他人聽到都好驚訝, 紛紛放低本想買的東西, 佢睇到先退返比我, 

但SORRY, 我唔志在個少少錢, 我要佢即刻check 晒所有存貨有無過期野, 因為老人家真係未必會去

睇, 唔好食死人, 佢憤然應承我先離開。唉, 佢咁樣真係令人好hard feeling, 我肯定永遠唔會幫襯佢, 

但我真係好希望佢真係會check, 唔好害人!

本來買齋整米粉, 而家求其買D魚片整, 只有用食物先可以令人身心舒暢,
只要有野食, 先會令人感到開心

材料 :
1. 雪菜 - 1罐
2. 魚片- 1條
3. 豆乾 - 包
4. 粉絲1包, 米粉2包

汁料 :
1. 蠔油 - 1湯匙
2. 糖 - 2茶匙
3. 老抽 - 1湯匙
4. 生抽 - 1湯匙
5. 水 - 3湯匙

做法 :
1. 雪菜用鹽水浸去咸味
2. 豆乾/魚片切條
3. 粉絲浸軟,和米粉一同輕灼, 再隨意用架剪剪斷
4. 用糖先爆雪菜, 加入豆乾/魚片爆炒
5. 倒入汁料和粉絲米粉兜至收汁即成, 食得!