返到屋企兩位小寶貝勁雀躍, 無錯,係兩位!我除左dingding貓之外, 仲有一位寶貝, 就係我隻美國地圖龜, 佢叫晃榮, 已經11歲, 因為當年我好愛體育新聞報告員伍晃榮而改既名!^^佢同華英雄一樣係一隻天煞孤星, 同佢一齊買返黎既龜仔, 唔夠一個月就死左, 之後再買多兩隻比佢做伴, 佢就打人, 最後都死埋!但係佢好有性, 如果我行過, 佢會勁潑水落我度要我餵野食, 我放工返黎幫佢開燈晒太陽, 佢又會周圍游好似歡迎我咁!
佢見到我影佢相, 嚇左一跳咁既樣, 仲縮埋個頭, 見我窮追不捨, 佢仲檸轉身想跳海(水),好怕羞呀!
hahah..其實我成日都覺得佢個樣好型, 因為好有霸氣!但幾有霸氣都無用, 佢遇到佢既克星, 就係dingding大人, dingding初初黎時成日整蠱佢, 將佢由石上潑落水, 佢又將D水潑到dingding成面都係, 而我就最慘, 係負責抹地果位!
不過佢地都大個啦, 潑水就少左好多, 但就成日對望成個鐘囉..haha..好痴纏呀!
不過佢地都大個啦, 潑水就少左好多, 但就成日對望成個鐘囉..haha..好痴纏呀!
但有時都會引人同佢玩!
又會一齊晒太陽!(點解一定要訓扁我d手袋呢?!)
有呢兩位小寶貝, 就算打風一人在家都唔洗驚啦!
晃榮, 已經11歲, 因為當年我好愛體育新聞報告員伍晃榮而改既名!>>>Wakakaka俾你笑死！你成日叫住晃榮個名你老公有冇呷醋呀？
回覆刪除hahhaha...如果連龜都呷醋, 真係連龜都不如!而且佢都好中意伍晃榮呢!
刪除講下講下我都有隻龜,系咪一年一歲
回覆刪除成30年 有時間都post相俾大睇下,
佢地好有性架
係咩!我想睇呀!30歲, 好犀利呀!大唔大隻架?我隻晃榮極限係咁大隻^^
刪除我post隻龜呀,有空探下佢
刪除哈哈哈...成日互望，佢地唔攰架
回覆刪除ding試過對望到"中"眼訓都唔行開, 好攪笑!
刪除成日對望成個鐘~好得意既畫面呀~XD~
回覆刪除剷佢都唔走, 我覺得佢地用心靈感應傾緊計!haha
刪除可能是你個手袋擺左DING的地盤呀。
回覆刪除個地盤我霸先架..wowo
刪除想響個袋攞d野都要得佢批准!ahha
哈...晃榮!!! 型呀你!! 咁你尋晚訓唔訓到?? 係咪好嘈!!?
回覆刪除我家晃榮同真正既伍晃榮都型到爆!
刪除尋晚一轉風向即刻靜晒, 一覺訓到大天光^^
佢地好得意呀~~
回覆刪除我覺得佢地對望得黎係有交流, 最衰我唔識讀心!
刪除好似變咗老朋友咁！
回覆刪除程你岩呀!dingding訓醒都會行過去同wing say hi先..hahahha
刪除DD真有禮貌,好家教.hahaha
刪除