雜丸竽絲

我一向極少搭巴士, 我唸一年搭一兩次, 因為我家樓下只得小巴, 而巴士
係有既, 一來個站好遠,二來得一架, 我唔搭係因為真係兜路兜足25分鐘,
 咁浪費時間梗係唔搭。有一日, 因為下雨關係, 等左好耐都無小巴, 我見
到有巴士埋站, 是鬼但照上。但呢個經驗真係好差, 我唸我以後再搭,
我只會坐上層囉!首先果日落雨, 我帶縮骨遮, 通常我都預備一個膠袋,
上到車將把遮放入, 企企理理咁, 但可惜我幾企理我都係周腳周鞋周身
水, 因為其他人都無將把遮縛好就上車, 上到車亦無打算縛好,唉,好無奈!
算!唔濕都濕左, 點知響呢個時候, 比我發現坐我對面果位男士, 不停用
眼神非禮我, 咁對付呢種人絕不能逃避, 我直頭坐正望實佢, 用盡我全身
氣力瞪大雙眼望實佢,眼都無眨, 好明顯佢理虧, 佢提早左落車, 點解我會
知佢提早, 因為佢個樣好似見鬼咁衝落車..hahah..其實我唔會嬲呢D人,
因為我著得咁密實都無野睇, 佢肯定好dry..ha!

點知低處未算低, 坐我一個身位隔離有一位大叔, 佢瘋狂用手指掘鼻子,
再將某D野"hi"落我同佢中間條柱!OMG!!!究竟發生咩事, 我係咪響鬼域!!!
但架車係全full無得走位, 企都無位企, 我惟有盡量瑟縮到離佢同埋條柱
遠一點, 低處繼續低, 因為我過份瑟縮, 我條腰完全緊貼坐位手柄,
點知隔離有位伯伯突然扶著條手柄起身, 嘩, "禁"住左我一粒肉,
痛到我呢!!但因為佢係一個阿伯, 所以係絕不能怪責, 仲要扶多他一把,
唉..捱到落車有重見光明既感覺!
我下次一定要坐上層!

落到車已經好夜, 呢架車真係兜路兜得好勁, 街市都無野買, 就用屋企
物資整, 呢個係我覺得最甜既湯, 因為當中有鮮甜既細粒乾瑤柱,
好似自己有個名, 但唔知叫咩, 我成日都想搵樣素去代替,
但仲未唸到係咩, 再加埋旺菜真係超級甜, 放晒入煲咩都唔洗做就食得.
我唸我要為自己開一個樣衰系列, 呢排整咩食都係樣樣衰衰咁,
點解人地果D咁靚架呢?

材料 :

1. 旺菜 - 1個
2. 細乾瑤柱 - 2湯匙
3. 素雜菜條,素芝士腸

 

調味料:
1. 素雞粉,豉油,糖各1茶匙

做法 : 大滖水放入乾瑤柱,煲15分鐘,再加入旺菜仔煲多15分鐘,
加入調味料和竽絲再滾起即可, 鋪上煎好的材料, 食得!so easy!