簡單好味首選 - 百搭薑炒飯

 

細到大到勁勁勁愛食薑味的食物, 薑糖呀,薑汽水呀,薑汁撞奶

呀等等...而其中一樣就係薑炒飯。我懷疑我極唔怕凍都係因

為成日食薑。而薑炒飯我覺得好神奇, 因為我係放薑蓉而唔

係薑汁, 但食就唔會食到薑, 佢將成個飯既味道提昇晒...

HAHA...又浮誇左咁薑炒飯其實淨係加蛋已經好好味, 

但總不能太齋, 點都要隨意加D餸既,

咁我今日就用左 :

1. 小唐生菜 - 1個
2. 3色椒 - 各半個
3. 松子
4. 蛋 - 3隻

 

好神奇!!打3隻蛋其中兩隻都係孖!!!!

 

做法 :
1.  松子先白鑊烘,椒先爆炒熟,今日想食到蛋,所以唔做黃金炒飯,
 煎蛋皮切條全備用。

2. 先下油爆薑至聞到味加入飯兜至完全粒粒狀。

3. 除生菜外加入所有材料兜勻加入少許糖和豉油最後加入生菜,食得!
(加生菜除了因為好味外, 因為會適出水份會令成個炒飯無咁乾, 這是媽媽教路的)