芝士菇菇菇菇意粉+酵素(Day 3)

 

我覺得我真係老了, hea爆星期日午睡左, 夜晚完全地失眠至5點幾, 訓左兩個鐘起身返工, 到傍晚臨收工時仲唸住去行街, 點知竟然覺得頭暈!返到屋企食完晚飯,邊睇電視邊釣魚,一覺訓到今朝8點, 爽YY呢!但覺得喉嚨痛, 好似作感冒, 好驚千祈咪病!

尋日全日都有件事令我記掛住, 事緣星期日傍晚落街買定第二天既早餐, 見到一隻細狗同一架的士平排咁跑, 後面有一男一女狀似主人望住佢,勁 危險!每一個人都有個制, 比人按中都會癲,我其中一個制就係動物, 有關動物既事特別上心, 我真係會做得出去剷無良主人既人, 但我今次無剷佢地,因為我見佢地好似追緊隻細狗咁, 而且已經行遠左,廢事剷錯人!好啦, 咁繼續我行去街尾買早餐, 去到麵包舖, 同老闆, 老闆娘好熟, 聽到佢地講:咁細, 車死左都唔知啦!我聽到問佢地講咩死?佢地話頭先有個女熟客喊晒咁問見唔見到佢隻芝娃娃, 我問佢芝娃娃咩樣, 佢形容完比我知,我問佢係咪紅色頸帶, my god!咪就係我剛見到果隻lor!原來佢係走失左, 頭先一男一女唔係主人!我同佢地講我回程如果再見到隻狗會try to捉佢過黎麵包舖等主人, 當我一路回程我一路驚, 我好驚會見到狗屍, 好彩無, 但兜左好大個圈都唔見佢!到尋日一早返工, 見條街無咩人, 又周圍兜睇下隻狗有無行出黎搵食, 都係無!咪返工lor!成日都唸住佢比車車死左, so sad!放工嗱嗱聲去麵包舖, thanks god!老闆娘話剛剛搵返!嚇死人咩!

放 下心頭大石, 但發覺開始發燒,真係感冒, 頂, 好多年都無感冒過, 焙烘友同事勁乞人憎, 佢話見到我面青口唇白覺得好大壓力, 迫我即刻搽唇膏..haha..ok!再啪panadol, 我唔得閑病lor!暈住放工,但都要食, 求求其其煮個意粉, 點知好好味呀!!本來唸住加芝士焗, 但喉嚨痛,都係倒埋入去兜, 仲正!呢個芝士菇菇菇菇意粉如其名有4種菇, 簡單又好味, 頭暈都要出post ...開始語無倫次!

材料 :
1. 意粉(物資-螺絲+球拍)
2. 本菇,舞菇,白磨菇,牛肝菌
3. 芝士刨碎(我又用parmigiano reggiano)

做法:
1. 煮好意粉盛起備用
2. 白磨菇一半切片,一半和牛肝菌攪碎

3. 爆香乾蔥, 除碎菇外,全倒入爆香
(響呢一刻其實已經好香可以做一個餸)

4. 加入碎菇兜勻加水煲5分鐘
5. 意粉回鑊兜勻,加素雞粉和糖調味
6. 加麵粉水至掛汁效果
7. 熄火倒入芝士兜勻,攪惦食得!

 OK, 輪到我的酵素寶寶,黎到Day 3, 水位睇落高左!

 my lovely baby!!發酵正常!希望成功!