Weekday通常都好少出夜街, 盡量都會將約會推去星期六,日。因為有時放咗工已經有d攰, 要返去攤屍!尋日放咗工有d野做遲左返去, 就約咗老公響出面等順手一齊食飯。今次去咗香港仔食素,去香港仔食飯可以行埋街因為多嘢買, 而且返屋企又唔洗好耐。呢間齋舖開咗好多年,老土嘢, 但近來剛裝修過,名都改埋, 可能轉咗手,光鮮咗, 仲變咗新派素菜,啱晒我!因為我只喜歡食新派菜啦!
門口有外賣小食位, 但可能有d夜, 已收檔!
店在地庫, 裝修算清雅!
佢話:d嘢上晒未呀?
(好明顯上晒兼食晒)侍應: 吓?
頂!我即刻話:係咪有糖水送呀?侍應: 係呀係呀!我而家上丫!
跟住我問老公做咩唔直接講, 好明顯潮州怒漢覺得因為係送既關係唔好意思問,佢剩係話:呢d嘢係女人做架麻!我話我死咗既話,你又唔識叫外賣啦, 唔識講價, 會用好貴既價錢申請上網呀, 電話費呀, 而家仲加多樣,問贈品!死不悔改的潮州怒漢只識笑住話:呢d嘢係女人做架麻!哼哼!死嘢!成日要我做醜人!
回 程上到車, 怒漢又說:你好耐無坐過我車尾啦!早前有次佢話車我收工, 但因為我近來愛上搭巴士既關係, 所以一口拒絕, 受不了被拒絕的人立刻說:唉..個頭盔唔好放響車啦, 都無人用, 不如拎返屋企放啦!今次見到佢因為我幫襯佢架車竟然覺得高興, 其實覺得好窩心呢!但我只係講左句:痴線, 幾個禮拜之麻, 有幾耐jet!haha..秋天的風好舒服, 路面亦無咩車, 超爽!
因為太飽行逛咗一陣, 見到間好細既阿信屋, 貨品無大間的咁多,但都買咗少少嘢, 為愉快的一晚劃上完美既句號^^
香港仔緣來素食
南寧街香港仔中心 1-5 號地下及地庫
你屋企近香港仔？現在在外食素，都好有食肉感覺。
回覆刪除近架, 都係南區。
刪除都係架, 有D人話齋口唔齋心, 我就唔理既, 總之好味就得啦!haha
呢間野真係好耐架啦, 但我以前住對面, 都好少幫襯既.
回覆刪除原來May你住香港仔架以前, 而家呢間新架, 同以前果間唔同晒啦, 得閑返去試下丫!
刪除呢間舖好似好高級喎,多人嗎？妳老公係怒漢？咁恐怖！唔係电男咩？個頭盔㑹唔會有其它人用㗎,,,,,,,,,,哈
回覆刪除唔高級架, 街坊嘢!
刪除因為潮州就馮旨搭怒漢啦, 我老公一D都唔怒, 仲好溫柔同nice tim!佢係姓電既潮州人係真既..haha..
如果頭盔比人用過我一定聞得出!!哼哼!
呢間齋舖唔錯喎，不過香港仔對我來講實在遠啦
回覆刪除妳食咁多零食????
如果係下次去海洋公園就順路去試下啦!^^
刪除係呀, 我中意食零食架, 通常一次過買一大袋, 咁都食好耐既..heee
你老公覺得係女人做嘅嘢我通常都叫我老公做 including講價，獅子王 is really good at it hahahaha
回覆刪除你老公叻呀!!!我老公呢方便好怕羞架..hahahha
刪除啲菜式同價錢都幾好wor
回覆刪除係呀, 又唔係好貴, 食完都無頸渴既!
刪除新派的最好， 最怕只有食麵筋那種。 香港仔對我有D遠。
回覆刪除係呀係呀!!我又係好怕果種, 都係新派好味!對你響英國黎講, 香港咩都遠啦..heee
刪除我都好鍾意食素，唉，呢度唐人街啲齋菜真係好唔掂
回覆刪除我屋企人都係住美國, 不過佢地通常都係食鬼佬齋, 又少聽佢地食中齋喎, 都可以試下架, 應該都好味^^
刪除