我唔明點解我個人咁熱, 但偏偏勁中意食薑, 凡係有薑或者薑味既野都一定會放入口..haha..
而薑汁撞奶係我經常食既甜品, 我唔理天氣熱定凍,總之我想食就會食!而薑汁撞奶我唸我整過超過100次, 因為身邊好多人都中意食, 記得有次響屋企開party, 一次過撞左十幾碗!因為自家做的超級滑, 甜和辣度都可調配, 大家都好喜歡呢!
整薑汁撞奶第一樣要做的就係刨薑, 我既懶已經街知巷聞, 我以前係咁批薑皮既:
hahahaha...但我發覺每次都剩返好少薑, 但我真係極唔願意用刀背刮皮咁鬼煩, 於是我試下用刨皮器去刨皮, 嘩快靚正!!開心大發現呢!(可能根本人人都知....haha)
OK, 講返薑汁撞奶, 因為食厭左原味, 所以有時會加一些味落去, 今次係咖啡味, 我係用一般咖啡粉, 而糖我係用細細包既代糖。
把奶倒入, 開細火, 跟手倒入一茶匙咖啡, 和1.5包糖。
奶要煲至大80-85度(下有不用溫度計的方法)
薑汁只要靜止一會兒個底就會有沉澱物, 就係呢D白色野, 佢就係令薑汁撞奶凝唔凝固既關鍵!所以撞奶之前一定要用羹刮一刮個底, 刮返鬆D沉澱物。
在碗倒入薑汁, 我自己係食5大羹。
把夠度數的咖啡奶一氣呵成撞入薑汁!
之後完全不要移動碗,會看見漸漸凝結,等大約5-10分鐘就OK!
一層一層咁"片"黎食!我超變態, 最中意用金屬羹食熱野..haha
一層一層咁"片"黎食!我超變態, 最中意用金屬羹食熱野..haha
**如果唔用溫度計, 在煮奶時一滾即熄火, 將滾奶倒入另一隻大碗再立刻倒回煲為之一次, 快手做5次, 奶就會降溫至80-85度就可以架啦!^^
嘩,,,,咖啡味未試過,出面舖唔知有無得食呢？好想試呀,,,,,,,:-)
回覆刪除唔知出面有無喎，試下整啦:-)
刪除我成日都失手架。次次都無得食。
回覆刪除點解呀?你個方法係點架?
刪除真係好滑BOR~ 攪到我今晚都想撞個黎食吓!!! ^-^
回覆刪除5匙薑汁!! 都幾辣.... ^^
撞啦撞啦，我成日都癮起想食架!
刪除我食到五羹架，我真係好愛我的小薑薑架..hahaa
我試做了幾次都失敗，也用埋溫度計都唔得呢！
回覆刪除點解呢?同我方法都一樣架?
刪除咖啡味好特別～好想試下～但係唔識整......
回覆刪除唔難架!整啦整啦!
刪除咖啡味咁濃，會唔會冚咗薑味㗎？
回覆刪除調轉喎，薑味太勁，完全遮唔到，反而咖啡味係淡淡
刪除薑我不嬲都係用呢款批黎批皮個喎!
回覆刪除我反而唔識點必啲薑汁出黎
係咪用磨?
Eeee...都話可能得我一個認為開心大發現啦..hahaha
刪除我咁鬼懶緊係用炸汁機啦..hahah..不過以前未買炸汁機我係先磨薑蓉放入密度高既篩，再用匙羹禁出黎，都好快整到半碗!
嘩, 5大匙, 咪好辣囉, 我平時都係用1湯匙 :) 我冬天成日都會整，食完暖笠笠 :)
回覆刪除係好辣架，食到成個背脊都係汗，超爽!我春夏秋冬都整，勁愛薑..haha
刪除好好味，不過製作好高難度喎﹗﹗
回覆刪除唔係好難架博師奶，試下整啦!好好玩架:-)
刪除WOW 5大匙好辣wor！估唔到你係辣妹一名！hahaha
回覆刪除我仲係好夠薑既辣妹tim...hahahahha
刪除咖啡味o既薑汁撞奶正啵~!!!
回覆刪除仲可以有咩味架?he hee~
其實我仲試過朱古力同埋阿華田, 但阿華田係唔work ka!最好味都係咖啡味!
刪除咖啡味唔啱我, 但係薑汁撞奶絕對啱我. 你撞得好滑呀
回覆刪除謝謝你cici!咁整跚整啦, 你怕冷, 食完會好暖架!!
刪除我都好鍾意食薑架，維記高鈣低脂奶做呢個成功機會好高，我都要試下呢隻味先..
回覆刪除係啦, 唔知點解呢隻奶係好整D!咖啡味無咁齋啦^^
刪除好滑呀，5湯匙?米好辣，我用一湯匙咋
回覆刪除THANKS!早早!係呀, 我食薑食得好鬼癲架..haha
刪除撞奶我麻麻, 不過買左石灰粉, 擇個好日子就會去撞豆腐花.
回覆刪除記得post出黎大家睇睇呀!我未試過整啦!!
刪除