合桃糊

 

一向極少生病的我(touch wood!), 竟然都給打敗了。昨晚一秒前還是好地地, 一秒後突然勁想嘔, 折騰了一晚, 早上天旋地轉下不了床, 我親愛的dingding還盡忠職守都用盡全身氣力把我叫醒, 還要在我的身上蹦蹦跳, 不是說動物物對身邊的人類有心靈感應嗎?我盡力地起身給她"獎賞"零食, 之後佢就乖乖返回自己的床仔上睡覺。我心裡面只有一句"你好野!!!!"感冒菌入腸超痛苦,食了點藥, 好了一些。又話小病是福既?下午還要上班,正值月頭, 唔返的話,堆積兩天的工作會做死人呢!稍為好點精神, 我要快快update我的blog, 如果唔係, 在30/10死線前都不能實現我的無聊目標在yblog湊夠100篇呢..wowo

究竟叫合桃定核桃呢?究竟糊同露又有咩分別呢?whatever!總之我叫佢合桃糊!haha..
呢個合桃糊早已整好, 無時間放上,媽媽說好想整, 叫我快快post上, okok, mom你要知我多孝順, 病著也要為你而post 呢!記得返到香港要整比我食!haha..

材料 :
1. 合桃 - 250g
2. 水
3. 冰糖

做法:

1.經歷過每次放入焗爐都因為忘了時間而焗燶的關係, 我今次選用白鑊炒香!

 多了的可於放涼後入保鮮袋再放入雪櫃
(呢張相係多餘的, 只係覺得此保鮮袋漂亮, 硬要影低..haha)

 2. 直接攪碎。amazing!發現原來合桃會標油, 攪攪下變左醬狀!
(係我無知呢..ha)
將pat醬放入煲加水加冰糖煲滾, 我唔知水的份量, 因為係逐少加入。

 3. 滾後加入麥皮, 我只係用平常食開的麥皮2湯匙。
如不要麥皮, 用粘米粉開水遂少加入至想要的濃杰度。

加入麥皮/粘米粉水後再滾起就攪惦啦,食得!

睇到張相流晒口水, 因為正在捱白粥, 無美食既人生對我黎講毫無色彩..嗚嗚..