辣炒粒粒

 

之前一連三天既 慶祝活動都係食食食, 玩玩玩, 買買買, 勁開心!雖然美其名係同老公慶祝生日, 但全部都係我想食既野, 我想去shopping既地方, 因為我老公係姓電(我改既!haha), 佢去既地方只有電器啦, 電話啦, 電子啦, 電單車啦!全部都係電電電,想悶死我咩!行開sogo, 見到我平時最愛既貓仔系列出左有深度的豉油碟仔, 即買, 好野!成套齊晒!yeah!

跟住又見到呢個白兔仔碟, 呢d感覺柔和溫柔既野絕對唔岩我!但突然覺得好靚, 務必將佢帶埋返屋企!咦!唔通我溫柔左?唔通我變左女人型??

 瘋癲過後又要回到地獄返工!天氣開始涼涼地, 冬天正在來臨, 我呢個熱人最開心, 冬天係我既世界,yeah!!!但最鬼憎冬天日短夜長, 放工落到樓太陽已經落左一半山, 太陽能醫百病,見唔到太陽係會令人有失落感, 好似明明大白天入戲院睇戲, 散場出返黎變左天黑!惟有留返放假先出黎同陽光玩遊戲, 好在我響冬天係勁活躍jer!hehehe...

好幾日無煮飯, 都唔知煮咩好, 懶開有條路!我老公係勁好湊既人, 佢咩都食,最愛係食炒粒粒, 但我勁少整, 因為唔想切野!佢呢個潮州怒漢叫我整潮州八寶椒醬肉比佢食, 咦咦咦, 咪即係要我切粒粒! 好啦, 就整一次, 但我唔想整八寶椒醬肉, 因為我覺得我會唔中意食, 我就用我中意食既料加豆豉辣椒醬炒,一樣香辣!正正正!!!

材料:
豆腐乾, 素丸,青瓜,青豆, 菜圃仔
調味料:
豆豉辣椒醬,老抽,糖

我中意呢隻菜圃, 我覺得好味過雜貨舖一條條果D,最重要係唔洗我切!hehe..

做法 :
1. 全部切粒粒
2. 素丸炒熟盛起備用
3. 豆腐乾用丁點生抽爆一爆
4. 把其他所有材料和調味料倒入兜勻加入少少水兜至收汁攪惦!
*因為豆豉辣椒醬已經有油,所以我由頭到尾都無用過一滴油!

掩沒兔仔, 辣死佢!吼!

其實我最憎食豆類, 所以我炒左碟走青豆比自己食!呵呵!