呢排出post出得好鬼慢, 因為冬天的我實在超級活躍,日夜躝街..哈哈..超開心!對別人嚟講凍凍的天氣多數窩在被竇, 我呢, 就最愛呢種天氣出街!冬天出街經常有個尷尬位, 就係因為我從來都唔著褸, 因為我個人咁鬼熱係無必要, 但一搬香港女孩都好怕凍, 當我只著住外套, 而左右都係由頭至腳被羽絨包裹得像蠶蟲一樣的人時, 我就好似好衣衫襤褸咁, 好鬼寒酸無衫著..哈哈...我惟有好勉強咁帶條頸巾迎合一下...哈哈..唔通我上一世係一隻居住響北極既雪橇犬!!?哈...
講返個意粉, 我經常性突然靈感到想食濃味嘢, 而呢個意粉我好中意, 因為我好中意食蕃茄乾!但呢個"意式蕃茄乾辣肉腸意粉"當中係有欺騙食份, 首先辣肉腸其實係素腸, 而且唔辣既, 因為我真係搵唔到辣既素腸, 辣響邊呢?我係用咗一種辣既橄欖油去炒, 係朋友響外地買比我既手信:
1. 蕃茄乾 - 剪成小段
2. 白磨菇
3. 素脆皮腸
1.辣橄欖油(無就煮好加少少辣椒油)
2. 茄膏
做法 :
1. 意粉按包裝煮好盛起備用
2. 素腸先爆至表面金黃盛起備用
3. 用辣橄欖油先爆乾蔥, 再下茄膏, 茄膏要爆先香!
5. 意粉,素腸回鑊兜勻, 加糖鹽調味
6. 上碟灑點basil,食得!
頂! 真係好鬼惹味, 好滿足!
好味呀! 我呢邊好凍...
回覆刪除我Blog： http://flywithteatea.blogspot.com/
好凍岩晒我!hehe...
刪除個樣好似普通腸喎
回覆刪除我阿妹去西班牙都買左類似的油俾我呢
係呀個樣好似, 個味除咗無咁juicy外, 都好迫真呢!
刪除你果支係咩味?我果支係響澳洲買, 我知仲有蒜頭味, 但我怕口臭...哈哈
痴線!! 超正!! 我呀...又係好鍾意食油浸蕃茄乾咖!!! 我食BUFFET 一定攞好多黎食!!! ^0^
回覆刪除點呀係咪鬥粗鄙?哈哈哈....
刪除我又係, 其實我可以空口食晒成樽架!!哈哈..
冬天活躍係啱嘅，尤其是近排不太冷天氣咁好！
回覆刪除我好鍾意肉醫意粉，不過唔食得辣！
呢排天氣真係最舒服!不過其實好多人冬天中意訓覺...哈哈
刪除你唔食得辣架?我食得辣, 但唔食得麻辣!
正~~ 我最愛蕃茄辣肉腸意粉....
回覆刪除謝謝!出街食呢個好貴啦, 自己整平好多!
刪除好惹味, 不過我怕辣呀 :)
回覆刪除班太, 上次問完你響邊度d蕃茄乾好味, 聽你講去左阿信買, 呢個就係啦!係好好味啦!!thanks!
刪除你喜歡番茄乾，我則愛鮮茄，同樣咁好味，
回覆刪除現在這個天氣是躝街好時光呢.
我兩樣都中意食, 不過亁就中意多d..hehe...但其實我每一日都係食蕃茄3文治啦...正正!
刪除而家呢個天氣真係無得頂!勁舒服!
茄膏邊隻牌子好呀？
回覆刪除piggy, 我係用"地門"架!記得要爆一爆先,會香好多, 出味d架!
刪除素脆皮腸好神似呀
回覆刪除係呀!!有一款係芝士脆皮仲好味呀!!
刪除好有米芝蓮餐廳FeeL呀,,,,,,,好味道呀:-):-):-)
回覆刪除哼, 米芝蓮d貴野邊有我咁大碟咁多料呀..哼哼!哈哈哈...
刪除妳唔駛著褸、又唔帶頸巾，咪慳番好多錢囉
回覆刪除又蕃薯又辣好岩我丫...妳朋友真係邊度呢樽辣油呀?
我真係唔著褸, 我只著冷外套就夠!不過其實頸巾我都會帶, 因為唔想冷親條氣管!
刪除支油響澳洲買, 另外仲有蒜頭味, 好似唔係好貴。
我都好Like冬天！我唔太怕冷不過好鐘意冬天衫/褸覺得好靚！
回覆刪除你個意粉好吸引呀！！！！！一D都唔似食素！
係呀係呀, 冬天d衫係靚好多, 冬天既boot都靚過夏天既人字拖!!哈哈...
刪除多謝你呀, 好開心聽到有人咁講!所以我次次起餸名都唔會寫係素, 希望令到一d唔食素既人都有興趣試下煮/食!^^
蕃茄乾加辣肉腸真是好夾！ 我要加芝士得唔得呀。
回覆刪除係呀係呀!!!!!give me 5!!!!本來煮好唸住加芝士焗一焗先食, 但太肚餓唔想等!hahhahaha
刪除成碟都好吸引，素腸仔好好食吖！
回覆刪除謝謝你^^
刪除係呀, 素芝士腸仲正呀!!
好羨慕你唔怕凍, 我超寒底又易病, 唉.
回覆刪除唔知係咪因為我由細到大都中意食薑呢?!我煮餸甜品零食都有薑, 不如你又試下丫!!
刪除要試下喇, 我好中意食薑既.
刪除終於搵到你啦~
回覆刪除我都搬左來blogspot,得閒來探我
iamkawai.blogspot.hk
hi Kawai!一定會!!^^
刪除蕃茄乾整意粉好似幾好喎, 下次跟你先
回覆刪除出面食得幾粒蕃茄乾, 自己整可以喪落...哈哈
刪除蕃茄跟意粉真是絕配。^_^
回覆刪除