成個禮拜都無update個blog, 實在太唔似樣啦!因為感冒一路都唔好, 之前比老公傳染, 佢就好返時, 又輪到我傳染返比佢, 大家好似交波咁, 幾sweet!haha..下次佢一病一定要恨下心腸分房訓, 因為我呢個一家之"煮"病咗, 大家都會無啖好食呢!醫生的藥講明眼訓, 整個星期都好似好迷幻咁渡過, 坐在office中, 覺得自己好似鬼魂一樣飄來飄去...估唔到好多年都無感冒過, 今次一嚟就成個禮拜!
早排濕度得返三十幾, 痴鬼線!我個鼻乾到呢就黎流鼻血咁,個身又乾到痕, 最難頂係掂咩都有靜電,連掂我心愛既dingding都睇我唔起, 雞飛狗走, 因為我一惦佢就電到佢唔耐煩..鳴鳴!
忍無可忍, 要煲返d嘢潤一潤, 今次呢個茶係base on上次個蘋果雪梨桑葉川貝甜湯 但今次太乾所以落重料!
上次 : 蘋果,雪梨,桑葉,雪梨乾,乾海底椰,百合,南北杏,玉竹片,川貝,蜜棗,無花果
今次 : 材料照上面一樣, 分別係, 無花果我用咗土耳其大個無花果。亦因為咁, 係絕對唔洗下糖, 太甜啦!
再加咗一枝天山雪蓮
凍水落, 我中意放晒料先加水, 唔洗彈到周身都係。
水滾後,較細火煲兩粒鐘, 兩粒鐘後將所有料拎走,加入已發浸咗既珊瑚草, 又名海燕窩, 咩功效上網查啦, 總之就潤嘢,閂蓋煲多15分鐘。 拎起其他料因為d珊瑚草會溶, 費事溶晒落d料度浪費晒!不過我攪笑唔記得用魚料盛料, 唔方便lor!
今次呢個升級版真唔講得笑, 我飲咗兩杯, 第二日起身, 鼻無乾, 身無痕, 無靜電,值得推介比大家呢!!(又似賣廣告)
好正咁，多謝分享，不過，另一個原因，可能係呢兩三日濕度高左好多.
回覆刪除果日仲係勁乾果幾日嚟架, 所以真係work呢!下次又咁乾時EE你都試下丫^^
刪除收到，會試下.
刪除take care ar，好番D未呀?
回覆刪除天氣涼左小心身體又凍親丫
頂, 到而家都未好返晒, 自己食維他命C+化疢素算數!感冒真係好鬼麻煩!謝謝關心呢!^^
刪除休息多D，唔好“爛”街、煮飯啦:p
刪除尼個好潤呢，好有效果咁，借問珊瑚草美國邊樹有售呢？唔該！
回覆刪除真係!呢個真係work!我問咗媽媽話響NY一間齋舖買, 如果你要地址就問我啦!^^
刪除極潤茶,,,,,,呢個名好有氣勢,同嗰名攞埋專利就無得頂喇！
回覆刪除極潤茶,,,,,,呢個名好有氣勢,同嗰名攞埋專利就無得頂喇！
回覆刪除EEE...你又留兩次言..haha...你好鬼浮誇呀, 人地真係潤先改呢個名架..haha
刪除我第一次見天山雪蓮咋，乜味架？
回覆刪除爽爽甜甜, 好似雪梨咁, 但無咁甜, 可以就咁食架, 我都係一路切一路食, 仲可以就咁榨汁飲, 好潤架!
刪除蜜棗,無花果,蘋果,雪梨,雪梨乾,天山雪蓮樣樣都甜， 好足料。
回覆刪除因為果幾日真係乾到忍無可忍, 咩料都倒鬼晒落去...hee
刪除原來你病左, 唔怪得唔見你啦~~ (￣ˇ￣) 你唔講, 都唔醒起自己包海燕窩開左食過1,2次, 就冇掂唔鬼記得TIM~ (⊙ˍ⊙) 真係要食吓佢地先得喇!
回覆刪除舊天山雪蓮, 私...仲以為係紅蘿蔔!!! ╮(￣▽￣)╭
係呀, 我病鬼咗, 如果唔係平時我都隔日出post><
刪除拎返出黎食啦, 好鬼多骨膠原架!
哈哈...係喎, 你唔講都唔覺似紅蘿蔔TIM, 佢D泥唔知點解係紅色!
天山雪蓮，我諗起以前D武俠片呀，就嚟瓜一食就好返Hahahaha！
回覆刪除Le個極潤茶真係好正呀！
係呀係呀!!!同埋睇古裝片, 天山雪蓮係朵花黎架麻,仲要100年得一朵, 仲要上山採, 原來真實咁樣衰既, 響街市就買到, 洗鬼去雪山!哈哈...
刪除真係超級潤, 我都要番杯先 :)
回覆刪除留返一"渣"比你飲, 等你潤潤潤..哈哈...
刪除我都煲左蓮子, 雪耳, 雪梨, 淮山糖水. ^^
回覆刪除又好潤喎!雪耳又係極快滋潤既食物!
刪除你自己配嘅料，好叻吖！
回覆刪除由你呢位師傅級人馬稱讚特別開心，謝謝你!
刪除依家香港啲菌真係好勁，Take care
回覆刪除真係!比以前食藥食耐左!謝謝你!
刪除