七彩薑炒飯

我真係好鬼中意食薑, 薑炒飯係我最中意食既晚餐, 可惜老公唔太好薑, 如果得我一個人食飯, 我唸我可以食足7日lor..hahha...同埋如果我自己食只係蛋+爆薑+豉油就已經好滿足lu^^

之前都講過,我炒飯永遠都唔會用冷飯, 一黎我永無食剩飯啦..哈..二黎只要比平時落少dd水就ok, 好好炒!今次既配料都係屋企物資, 我好唔想食甘荀, 但我一定要用, 因為再唔食就爛!咁惟有將佢攪到碎晒就食唔到, 但出黎既效果竟然將成碟炒飯變到好靚!加埋黃黃的蛋絲,綠綠的生菜絲, 仲有紅紅既素蝦仁, 加上香香既薑味, 頂, 我真係覺得色香味俱全!哈哈...好似寫成段黎讚自己咁...不過如果你都中意薑, 就會get到我有幾興奮^^所以食親呢個飯都會成多左好多飯, 只要食得開心, 偶一為之又何妨!

材料 :

甘荀
素蝦仁(個樣好可愛)

生菜絲(阿媽話加左無咁乾, 我都覺得同薑好夾味!)
蛋(我仍然較愛蛋絲多過黃金炒飯)

 做法 :
1. 先爆香薑蓉
2. 加入甘荀,素蝦仁
3. 成煲飯倒入(哈..爽!)

4. 用鑊剷切成一舊舊, 再按扁, 一炒鬆就會變成好靚好分明既炒飯^^

5. 完全兜勻, 加入生菜絲和豉油,糖, 上碟再灑點松子就攪惦,食得!

身為Fast & Furious 粉絲, 星期日收到Paul Walker去世的消息, 真係唔願意相信!So sad!本身因為我的Top one最愛係Vin Diesel, 而Paul係Vin既好拍檔, 所以我在經常update Vin的新動向時都會看到Paul, 早幾日先見到Fast 7 既新update, 佢地仲同Paul慶祝生日, 突然此人卻消失於世上,人生太無常!我們真的要珍惜眼前人, 抓緊幸福!希望Paul可以繼續在他的世界裡開心盡情地揸跑車!