銅鑼灣大自然素食

 

銅鑼灣大自然素食之前已講過, 但今次因為食唔同嘢又要講多次..嘻

這個都係響上星期感冒期間發生的, 但都係因為太感冒所以無出POST。上星期姑姐姑丈響美國返咗嚟, 只逗留10日, 難得有時間給我, 病都要死出去!好在當時狀態唔係好差, 如果唔係一路食一路流鼻涕就樣衰死!仲順手可以將買給爸爸媽媽既東東托姑姐帶回去呢!

之前我都講過我好中意食素羊腩, 沙爹串燒羊腩係我必食, 好明顯就食晒先記得影相!沙爹好香, 羊腩亦好鬆化!

濃湯粉絲雜菇煲 - 咁沉悶既餸係姑丈點既..哈...咪又係d家常嘢!ok好味既!

 

枇杷豆腐 - 以為又係悶嘢, 點知好鬼好食, 因為佢竟然有魚肉既煙un口感, 仲有魚味, 炸得恰到好處!

 

黃金素蝦 - 姑姐響門口見到貼住既雜誌訪問, 係志雲推介既, 所以都叫咗, 係惟一食剩既餸, 首先佢唔香, 又太多咸蛋黃, 好油, 凍咗d油更可怕!

二人份壽司拼盤 - 呢個係我極力推薦給他們的, 因為知道佢地未見過素壽司呢, 效果當然迫真!

送既南瓜西米露 - 都話病緊, 手震是常識吧..哈哈..好好味!決定老翻, 侍應姐姐聽到我發嗡風話要老翻, 話比我知其實有秘技, 唔止南瓜和西米, 還要加一樣嘢來吊味, 我就賣關子先, 到時老翻了再post出來給大家看^^

其實仲叫咗兩個湯羹, 我的是蕃茄濃湯, 而他們的是素蛇羹, 但因為未回魂唔記得咗影, 總括來說係一個美味愉快既一晚^^