我返嚟啦!說好了的每日一遊記始終都實踐唔到, 因為去到加拿大好鬼忙, 而且只帶了平板電腦, 費事用新妹夫部電腦嚟做咁耐自己嘢!
今次整個行程非常充實,非常開心,識到好多新朋友, 同家人一齊既時間, 每日都笑到喉沙, 美國既生活容後再講, 分好幾篇講下我今次既經歷。
第一篇要講既係動物園, 由Quincy 大約揸1個鐘頭車 , 其實佢直頭係一個山頭, 有好多動物會自由行,動物園5:00閂門, 因為會有熊出沒! 係一個好開心既經歷!好多動物唔係我地可以響香港會睇到,有d響discovery channel見過, 但因為即使我減左大半相, 都差唔多有100張相, 所以剩下的要大家click入link睇, 一定要睇, 因為d動物真係好新奇得意架!!響呢度show少少比大家睇下先!!
呢隻袋鼠訓得好好笑!!haha
呢隻小鹿係bb嚟架!!
草泥馬!!!我最盤古初開係為左佢而嚟!!
可以餵羊咩咩!!佢地好喉禽!黑色係the king!剩係企響石上!
下面攪緊野, 上面有位偷睇緊..haha
座吊車環遊, 可高空影動物(呢兩位其實係我父母親大人..hee)
我同大妹座, 佢著拖鞋所以要除低
由上而下見到d駱駝, 原來係極巨!
呢隻唔知咩牛, 又係好大, 對角好霸氣!!
呢隻長頸鹿好攪笑, 勁lam木, 條脷黑色原來!
我中意佢既眼神!==
呢種狗響野外好兇恨
啤爆我
周圍都可以買粟米餵鹿仔, 佢地好醒, 企響隔離等食, 圖中為大妹
但大妹被熱情的動物迫瘋了...haha
呢隻衰野不停自己"嬲"毛巾, 肯定驚冷親!
佢既同伴採佢都有味, 繼續數蝨
3不像(我改既,我唸係人都會咁叫佢)
最後講埋呢種鼠鼠, 成個山頭都係, 周圍去d動物圍欄內偷動物d嘢食, 行動極快極細小,天生做小偷既好材料..hahha
我好相每張相都post響呢度遂張形容比大家知, 但太多, 我怕你地load 100年都load唔到, 咁大家去click 條link睇丫!!
下回預告: CN TOWER
終於等到妳回來喇，快D一五一拾將行程詳細分享呢，D相影得都幾好喎，等我慢慢欣賞先。
回覆刪除係呀, 好多相好多post排緊隊了!
刪除典解lam木呢？有甜味？
回覆刪除我都覺得係, 又或者係樹汁。
刪除好勁，咁都可以影到最尾果隻🐭，佢地跑得勁快！
回覆刪除係呀, 行埋少少就走, 又快又細隻, 不過好得意!!
刪除嘩嘩嘩~~D動物真係超得意！
回覆刪除係呀!!最開心係黎左動物園, 仲可以惦d動物!!
刪除草泥馬好可愛呀！！
回覆刪除真係好得意, 好似傻更更咁!
刪除HI, 返左黎!!! ^0^ 我都鍾意睇動物!!!! 人家攪野時刻都比你影到!!! 仲要影埋偷窺龜 (haha))))) ) 好笑lor!!! 哈))))))))))))))
回覆刪除係呀, 返左黎啦!不但有偷窺龜, 你睇下樓上仲有隻偷窺駝鳥..hahah
刪除D動物好得意呀~~ 咩品種都有, 真係影相都有排影~~~
回覆刪除真係, 所以留左好耐, 睇飽影飽!
刪除去玩梗係要盡興啦，遊記？ 有時間就慢慢寫啦
回覆刪除今次勁勁勁盡興, 超充實!!
刪除我鍾意長頸鹿
回覆刪除好開心, 可以咁近距離睇佢地!!
刪除長頸鹿下面係水豚呀, 我超中意, 圓碌碌好得意.
回覆刪除原來叫水豚!我都好中意佢，尤其佢個極不滿既眼神..haha
刪除