【低能仔暴走美加】~ Day 3

嚟咗美國剛過了兩日, 除左覺得乾燥d之外, 超適應呢個唔同既生活方式, 當然最主要因為家人全部響呢邊, 令我一開始就對呢個地方好有歸屬感!而我終於感到我係一個有外家既人lu!!haha..

今日大安旨意訓到自然醒, 大家都知道我係一個超路痴, 但我好鬼勁, 尋日只係落機第2日, 我已經識得自己一條友去屋企附近coffee shop!不過成條街一個人都無, 因為人人都渣車, 我好似傻仔咁響烈日之下行, 不過我覺得好開心!因為所有野對我嚟都好鬼新奇, 探路最有刺激感!

好攪笑, 一出門口見到fedex, 見個樣同香港唔同, 影低佢

點知見到後面有架dhl好似爭影相咁衝上黎, 好啦好啦, 影埋你啦!hehe

join左妹妹我地又開始今日行程, 去左outlet, 呢兩日都買左幾多野, 但for自己唔多囉, 買比老公仲多過買比自己!

去之前先醫肚, 突然好想食港式茶餐廳, 好無聊, 響香港又唔係成日想食, 扮思鄉!haha.. 我強調要食豉油汁既飯..haha..睇下, 仲有雞蛋仔賣..haha

 勁多選擇, menu跟足茶餐龐

小店係得幾張桌, 電視播緊tvb, 同步架!

梗要飲港式咖啡, 妹飲既係檸茶

少飯都咁多, 個師傅肯定煮開咕哩飯!點知個師傅行出黎吹水, 佢話自己以前響九龍做一個叫"地mou軒"既餐廳, 真係好地mou呀!!i like it!!!hahha

之後妹又話要食donut

好抵, 好靚,勁甜, but i like it!!

終於出發去outlet, 好中意睇到呢d畢直得黎又有d起伏既路!

 

outlet無影相, 女人shopping失去理性是常識吧!hehe...之後去妹妹家食晚飯, 呢餐飯係我地有生以黎第一次一齊煮飯, 因為以前在家有媽在, 我地都沒有進廚房既資格, 到佢移左民返香港,我個廚房又唔夠大, 所以今之係第一次啦, 合作愉快..haha

本來玉子豆腐係炆, 頂煎完太香脆, 唔捨得炆, 就當一個餸 !

豆角炒蛋係妹妹招牌餸, 佢整既, 招牌係佢中意食, 梗係媽媽煮好味啦!不過我地阿媽先去加拿大為細妹準備婚禮, 阿妹煮既都好食既...hmmm

嘩, 呢個好正, 係素沙爹牛肉尤魚金針雲耳煲, 好鬼惹味!一齊整既!

最後一個黑椒蠔油雜菇扒豆腐, 我整既, 我係濃味怪, 佢地話有d甜, 哼哼!

之後妹男朋友車埋老豆就開得飯lu!!飯後老豆車我地兩條友去一間賣"雜不甩"野既舖頭睇下有無野賣就散水lu!

雖然行程好悶, 餸好普通, 但家人難得聚頭, 令一日都好開心, 我要珍惜每1日, 好好記住呢種感覺。今次返黎令我覺得要好好想下, 係咪應該定時返黎一次外家, 因為有d野, 今日唔知聽日事, 應該響得到時好好抓緊!haha..懶有感而發tim!