【低能仔暴走美加】- duck duck duck

返左嚟成3個星期仲未寫晒暴走美加, 堅係好慢!!但呢排見到香港咁, 真係無鬼晒心機! 不過其實仲有好鬼多篇, 努力!!今次就比D開心野大家睇!苦中都可以作樂既!

嘩呢個post好多鴨!haha..

我都話我個人無咩條理, 講下加拿大又突然講下美國, 一忽忽咁..haha..

我不嬲都有鋪鴨仔癮!而嗰日就滿足晒啦!嗰日我同大妹去咗Harvard Square。唔洗講周街學生, 但我地無入哈佛大學睇, 因為唔係好夠時間啦。而我響街又唔係影咗好多相啦, 因為阿妹話人地會以為我影乞兒喎, 雖然我無深究邊d係乞兒, 是但佢話咩就咩啦!

跟住就行舖頭啦, 大家仲記唔記得小時候呢種筆刨

救命呀!我想癲呀!!!

又救命呀, 我好中意細細粒既玩具仔架!

我都話時間好鬼趕, 行咗唔夠兩個鐘就返去join老豆同埋妹bf食飯lu!間嘢響屋企附近, 係食泰國菜嘅!我一家都好中意嚟食。又關鴨事, 叫little duck...hahha

名副其實, 周圍都有好多鴨擺設

個thai tea, 好飲到爆炸!!

因為我地唔食肉, 特別request走肉走蔥蒜洋蔥。

而呢個咖哩角細細脹脹加埋甜汁勁勁勁好味!

泰式炒河, 妹bf既

我係飯桶, 菠蘿炒飯係我嘅!

大妹嘅, 哎呀, 唔記得咩嚟, 就叫泰式燴麵啦!

老豆既, 哎呀, 一樣唔記得名呀, 就叫泰式湯河啦..hahaha

呢餐好好味, 但好好好大碟, 本來就說好了的share, 原來佢地既所謂share, 係自己食返自己嗰碟, 如果有人有興趣就食你一兩匙!妖, 咁鬼大碟飯我一條友食晒飽到我丫!hahaha...

咁好味, 本來再想去多次, 但之後都好忙, 最後都去唔到, 惟有寄望下次返外家先再去過啦..嗚嗚嗚