【低能仔暴走美加】- 婚禮

好啦好啦!我今之真係返黎啦!響美國返黎之後, 忙到甩轆, 連調整心理既時間都無!肉體好忙, 靈魂就留左響美國..哈哈..咁耐無update, 大家唔會以為我死左嘛!哈哈..嗱嗱聲update埋d遊記先!呢篇係尾三啦!

話說呢我個細妹係一個非常非常hea既人, 可能係"拉女"卦..哈..所以我同大妹同一班陪嫁姊妹堅係去到殺到埋身嗰一秒先知自己要做咩!幸好既, 我地女家呢邊好鬼人強馬壯, 我地各自分配好自己既工作, 因為早上係無攝影師(!), 所以呢個位就由我去做, 晚上有攝影師我就負責影D無聊花絮, 好彩有影咋, 因為花絮好好笑!而大妹就更重要, 因為佢要負責做mc!一個要講英文,中文和少許越南話既mc!勁!

結婚前一晚大家食過我阿媽煮既大餐就開工啦喂!不得不表揚我親愛的媽媽, 因為身為統籌既佢每日都好忙, 但佢每日由早餐開始, 都餐餐豐富, 加上我啦, 我阿爸啦, 仲有大妹bf, 我地3條友都係黑洞, 食極都唔飽, 但阿媽咁忙都可以填滿我地個洞,好堅(癲)!hehe..

跟住我地就九秒九開始佈置, 快速將間屋貼滿囍字,花呀,裝飾!

趕得切響上頭前攪惦晒! 果然團結就是力量!! 

那幾日, 因為太忙,又訓得太少,我的臉上竟然生了瘡!!本來唸住早d訓返個美容覺,沖完涼唸起電話漏左響下層, 點知就中了圈套..wakaka..我看到媽在整花球, 好似好苦惱, 我只係多口問左句, 接下來就變成我整了!!看!這個就是應細妹要求我和媽合力造的花球!

訓左幾個鐘頭就起身啦!化妝,換衫攪一大輪, 新朗就黎接新娘啦!!

唔知呢個準備把女兒的手放上另一個男人的手上既準外父呢一刻唸緊咩呢?肯定係開心又不捨...

因為我的妹夫係越南藉, 傳統上接新娘要每個兄弟拎一個咁既野入黎, 即管叫佢做反轉既鑊..haha..過男家時, 要4個姊妹拎返過去。

一睇就知道玩新朗係玩咩啦..hehe

去到男家, 老爺奶奶飲好茶, 我地就食d野, 休息一下就要準備夜晚既婚禮, 我和其他兄弟呢個時候都行左出黎晒太陽,影相。

同香港唔同, 呢個唔係酒樓/酒店, 係一個結婚場地, 每一樣野都要自己set up, 都係果句, 我地人多勢眾無有怕!reception都係我地set.

每一盆花, 都係一同預先整好, 每一塊灑在桌上的花瓣, 都係我灑上..hehe...每一張椅套和椅子蝴蝶結, 都係我們一班兄弟姊妹縛上, 費盡心思向一對新人送上祝福!

回禮小禮物係兩個新人逐杯調好的朱古力飲品粉, 和每人一張名牌, 比侍應分辨不同顏色既人係食素或食肉。

好靚個蛋糕, 裡面係好鬆軟既戚風喎!!

原諒我一見到食物就咩相都唔記得影啦!haha...總之就非常好食!呢個溫馨又充滿愛既婚禮就響強勁既disco聲中劃上完美既句號, 不得不提, 音響燈光同dj都係兄弟班底,自己人黎架!

 最後,燈燈燈燈....最漂亮的新娘子, 我細妹是也!!yeah!!