【低能仔暴走美加】- 美國pet shop+出街洗衫

嘩頂呢篇好鬼長, 希望大家唔會比我悶屎!

今次呢個美加trip, 同大家平時去旅行既分別係, 我係探親。所以我唔算勁去瀏覽,shopping當然有啦, 如果唔係點會1喼去3喼返..哈..但相比之下, 體驗地道生活佔了多數。而我自己亦好enjoy一個咁樣既旅程, 可以了解多d家人平時既生活係點既!

所以對於一d響外國生活既朋友, 我呢幾篇寫既野可能有d無聊, 但對我黎講係好值得記低落嚟架呢!去加拿大之前一日, 大妹同我講要洗晒衫先去, 岩晒, 我都要洗衫!我老豆話因為美國d水費貴, 所以好多人都係拎衫出去洗既。

我老豆自己平時就未天光就去洗衫既, 一嚟佢習慣超級早睡早起, 二嚟佢話唔洗咁多人喎。就係咁我同大妹就晨早流流7:00去咗洗衫啦!雖然行過去只係5分鐘, 但d衫多到塞滿車尾, 都係揸車過去。

嗱,我又係唔知貴定平, 因為老豆比咗張洗衫咭我, 裡面有錢既, 我就用佢張咭嚟洗啦!

  
因為我自己唔算好多衫, 只係用一部中型洗衣機, 都有成40磅容量!

呢部係最大, 可洗75磅!我只係去到部機個窗既一半高, 好鬼大部!

set好晒, 插入咭比錢就洗得啦!因為係商用洗衣機, 連fing乾都只需26分鐘!好快!

   
我地兩條友吹下水, 話咁快就洗完!用架車仔載好d衫就放入烘乾機啦!好鬼開心!好似前世未洗過衫咁..hhaah

   
見到右邊架車仔嗎?我堅係覺得好好玩喎!!heehee...

乾衣要加入呢d乾衣紙, 係用嚟防靜電。好香好香架!我臨走時買左一大盒返香港, 放兩張入衣櫃, 香晒!

   
因為焗衫要成40分鐘, 我地就去咗隔離間咖啡店食早餐啦!大大杯楱子咖啡, 加上cinnamon crunch bagel and apple muffin, 見到個咁heavy既早餐, 超開心!!你實想問我呢個trip有無肥咗, 無!因為食得多, 運動量多, 所以亦痾得多!無肥..hehehe

去洗衣店攞完衫, 我地就各自返屋企放好d乾淨衫, 點知我妹打比我, 佢隻長毛guinea pig肚痾, 佢要帶佢去睇vet, 問我陪唔陪佢去? 未去過梗係去啦!!想睇下美國既vet係點!不過我無影相, 因為人地睇病我無理由響旁邊幫人拍寫真咁架..haha..總之就好大好先進!下面就係佢兩隻仔既樣啦!

 之後我地要去pet shop買d supplement, 我梗係又死跟啦!嘩頂!勁大勁多野買!!我梗係主力睇動物啦!! 

 唔知叫咩名, 好得意, 訓得好可愛!

 

 

白老鼠

  短毛guinea pig

好無聊, 比guinea pig著既衫仔...hhahahha

鸚鵡仔, 好靚好可愛呀!!

見到咁既格局, 我又開心到想典地!!可惜呢D太重唔可以帶返香港><

見到嗎?可能只係見到我妹既倒影,haha...其實左邊粉紅色係蛇餅!

有兩隻蛙類物體浸緊水

又見到嗎?兩隻變色龍!其實我好中意變色龍, 好可愛呀!!

 

蜥蝪

鬥魚

咸水魚

我家姚晃榮既同類!!美國地圖龜!

haha...假魚

好開心!!咁又一日lu!la la la...

下集預告 : duck duck duck