新年鎖碎仲未完

都話效率低, 而家仲未打完新年鎖碎事, 情人節post又黎打尖, 其實我放十幾日假, 又真係無咩特別事發生, 不過平淡是福呢!no news is good news^.^等我又將d無聊野繼續放上黎先..hehe

話說有一日同老公行ikea, 我好中意佢地d手掌咁大既公仔, 因為比dingding玩size岩岩好, 又夠軟, 任佢點掟都唔會掟爛野!果日去到, 見到d新返既羊咩公仔滿心歡喜, 有幾款著唔同衫, 點知摷摷下, 眼發光, 比我見到呢個係無衫著既!仲有埋肚臍, 勁有heart!!只係佢無露兩點唔夠全神!於是佢正式歸納為ding之兄弟, 取名為「赤辣羊」!正正反應出佢喜愛「打赤辣」既性格..hahah

睇下佢同來自同一星球(ikea)既心心熊幾friend, 排排坐等dingding大人既寵幸...hahha

但當dingding大人一個大屎忽坐下, 咩都淹沒晒!

去得ikea, 梗係唔止買得一隻公仔啦!一路都好想為廁所加一d綠色氣氛, 點解只可以種響廁所, 一黎我好肯定ding一定會食晒, 唔係驚佢攪破壞, 係唔知有邊種植物對佢有害, 廁所係佢禁地, 就惟有種響廁所!響ikea見到d小小植物,又眼發光!都幾滿意, 應該會再加!

煩死, 繼續仲係ikea, 果日返到屋企攰到死, 就整剛在ikea買的食物, 全放入焗爐, 咩都唔洗做..hehe..果款唔係那知名的牛丸, 因為我是不吃牛的, 是芝士雞肉丸, 而那個肉桂包, 岩晒我!!勁好味!!!

我年年新年都會買鞋, 因為無人會咁做, 所以通常都好平, 可惜今年"新蒸頭"去唔切, 已經無discount, 但習慣改不了, 還是要買!我人生有9成時間都會著波鞋,唔理場合, 總之我襯得到就咩都唔理人! 尤其係筒型, 必買!今次呢對又再再次眼發光, 買買買!

我阿婆有18個孫, 響呢18個人當中我排第二, 同輩中我係第一個結婚, 由唔知邊年開始, 新年各老表都會黎晒我屋企團拜!今年定於年初九, 當然唔會有齊18人, 起碼我兩個妹響美國黎唔到, 但每次最少都會有10人!今次party前小食, 整左3盤香蕉糕,另之前見到c chan 整焦糖爆谷, 勁吸引, 又整左半煲, 肯定食到大家生晒飛滋...hehe..

因為果日我要返公司食開年午飯, 唔係好多時間整野食, 不過年年我地大部份都會叫日本野返黎食, 我自己就整左日式冷辣烏冬, 我老公一年下一次廚, 佢每年都負責整日式沙律, 因為我極無耐性將咁多野切絲, 佢係全地球最有耐性既人, 就由佢負責!好明顯大家都係蝗蟲, 不過唔係來自強國...haha..我只係轉頭去攞相機, 已經無左大半!!!

痴線!真係得果10分鐘唔夠, 已經變成咁!!本來每盤都係滿滿的!!
無可否認, 今年可能預少左少少野食, 因為有一個超級黑洞表弟今年缺席, 即刻唔識點叫!但係...估唔到大家餓成咁...哈哈哈

各老表都係性格開朗玩得又hea爆之人, 每年呢一劑大家都會報告一下近況, 好開心今年包括我妹妹在內將會有3人結婚, 大家長大了, 但感情卻不變, 渡過愉快的一晚, 為這個農曆新年假期畫上一個超級完美又溫馨的句號。