漢堡扒芝士芥末焗菠菜意粉

我終於放完悠長假期, 終於返工啦!放得太長假又想返工, 一返工又唔願起身!明明叫自己新一年返工唔好再遲到, 天意弄人, 突然凍到阿媽都唔認得, 又懶床懶到飛起, 明明返9:00, 癲左9:45先返到公司,痴線!!不過我覺得呢D野係睇性格, 好似我老公咁, 佢係一個勁勤力有責任心既人, 所以就算幾凍幾早起身, 只要鬧鐘響第二下佢就會醒, 跟手佢就落左床, 零懶床!至於我, 一向都係一個懶惰又最怕負起責任既人, 我個電話校左6個alarm, 加一個大聲鬧鐘, 加我老公打2次返黎叫醒我, 但我最少懶床45分鐘!!see!!性格影響命運!!!哈哈哈...

 

又講下我呢個懶人呢排煮左咩,呢排好似好少post煮飯, 來來去去都係包包糖糖。其實我都幾中意食意粉, 我又好中意搵一D唔同既意粉款返黎食, 次次見到D得得意意都會忍唔住買, 今之就見到呢款菠菜意粉又買黎試下先!

有好輕既菠菜味, 只煮3分鐘都幾方便好味!

我又好中意食意大利雲吞, 尤其介子雲吞, 即係較細粒的, 不會買新鮮, 咁樣又可以隨時拎出黎都有得食, 今次買左呢款!

而我又覺得素食黎講, 鬼佬素好食過台灣素, 但鬼佬素都要出鬼佬超市先有得買, 所以一搬都係食台灣素, 而我今次其中買左呢款素漢堡, 係有洋蔥響裡面, 我地兩條友都覺得勁正, 同肉無咩分別!

做法 :

1. 先各自煮好意粉和意大利雲吞盛起備用。

2. 素漢堡扒略煎至表面金黃備用。

3. 依序用油爆乾蔥,甘荀粒,麵粉, 再倒入脫脂奶和芥末, 我係用咁多的, 但下次會加多一倍。

 

4. 滾起後把雲吞和意粉回鑊兜勻。

5. 預備一個入爐兜, 先舖上意粉, 再舖上素漢堡。

6. 刨大量既parmigiano reggiano上面, 入焗爐焗至表面金黃食得!