滷水腐皮層層卷

我係一個成日成日發白日夢嘅人, 就算我唸緊正經嘢, 唸唸下都會變咗白日夢。我成日都唸, 如果有神仙比一個願望我, Plan A就係要多100個願望..hahah...ok, 如果神仙好醒, 就要plan B喇!我唸過做千億新抱, 但唸唸下, 妖, 與其要嫁個富豪, 不如自己做富豪, 唔洗睇人面色tim ar!!haha..ok, 所以我嘅plan b就係做千億富豪喇!hahha..

咁點解我突然間要講出嚟呢?話說, 呢排成日遇到機會幫人, 其實都唔係d咩幫, 只係幫阿伯拎重嘢返屋企樓下, 幫老人家扶住度門...之類嘅舉手之勞..雖然好小事, 但自己都會覺得開心嘛, 可能成日唸住, 夜晚訓覺發夢見到有個神仙, 佢要獎我, 比1個願望我, 但唔准係多個願望, 當時個夢好真, 當時唸好醒喎神仙, 於是我就用最真誠許咗個願: 減! 肥! 成! 功!

跟住就醒咗喇!!!!wtf!!!!!!!!!!!!!!!!!!!!!!!我要瞓返!我要瞓返!!!我要再許過!!!我要做千億富豪先啱!!!!!但機會同神仙都無take 2..係係係, 我知中秋食多咗, 我咪減緊囉!!><我自己減到啦!!洗咩side咗個願望!!!所以由今朝起, 為咗下次唔好有閃失, 我就開始催眠自己:千億富豪千億富豪千億富豪千億富豪..只要一有人問我想要咩我都要..千億富豪千億富豪千億富豪...eeeee...咁如果去餐廳有人問我食咩, 可能我都會講咗千億富豪千億富豪千億富豪千億富豪...

哈...我知我極極極無聊, 多謝收睇我嘅白日夢, 都係講返煮嘢食吧啦!hahah..

呢壇嘢, 出面買唔知叫素鵝定素鴨, 是叉但!因為根本同鵝同鴨都毫無關係, 個樣同味道口感更加無樣似。唔知當初幫佢改名個人係響咩精神狀態下改嘅呢?hahha...點解一條長方形嘅嘢會令佢幻想到一隻家禽呢?hahah..而我自己就中意叫佢做腐皮層層卷..嗱!係咪貼題好多呢!

我成日都好想自己整, 不過呢d中意玩多過中意食嘅嘢食, 真係要好死得閒又有mood先會整。不過真係好好玩!^^

先煲滾250ml滷水備用先, 要比平時淡。

我係125ml水+125ml滷水(大約)

先將鮮腐皮抹乾淨,剪咗條邊出嚟先! 

將d邊浸入滷水, 浸5-10分鐘

用d邊抹勻第一塊鮮腐皮

放上第二塊鮮腐皮又用d邊去抹勻

將堆邊放上

包得lu!

好似包腐皮卷咁

攪惦!上次咪話阿媽教整腐皮卷唔想佢un, 要先蒸30分鐘先嘅, 照辦煮碗!

蒸完就煎得喇!志在將佢定型

跟住倒滷水炆煮

切好上碟食得lu!!

ok, 又經一事長一智, 最衰買唔到豆包, 因為如果包豆包一定更好味, 另外發現蒸完要一定「立刻」煎定型, 因為只要有所怠慢都有機會變返有d un, 下次試下整薑蓉味先!^^