好喇, 繼續消皮大行動!
我上post咪話最後一樣消皮嘅食物係終極消滅物資嘅, 大家而家一睇應該即刻明我意思啦!hehe...咁當然, 雖則只要自己中意, 其實你你整咩口味都得, 就算係食剩少少嘅肉碎, 半包急凍海鮮, 食剩一條半條嘅腸仔都可以加入做pizza, 但盡量唔好咁離地啦, 即係食剩半條紅衫魚又或者幾舊豉椒排骨就算吧啦!hahhaha...
咁話明係消皮行動, 主要攪惦咗d皮先, 咁我就用咗嚟整pizza底喇!用d餃子皮隨意個餅底, 原則係大家最少有3個點要掂到大家, 咁當然唔好有窿啦!
做戲做全套, 同真餅底一樣, 都要響上面篤窿
開始放你自己中意嘅嘢食喇!我就志在清雪櫃, 物資好貼題, 就係菠蘿同車厘茄, 芝士碎有半包, 惦晒啦!開爐焗得!
不過,呢壇嘢絕對唔係完美!
要改嘅係 :
1. 下次我會噴d水先砌, 因為皮同皮就可以互相貼實
2. 下次我會響牛油紙上掃d油先, 咁樣個底就會鬆化d喇!
or
下次直頭直接舖響鑊上, 用水和油烘左d皮, 直接等佢定咗型先, 而且仲可以令佢脆身d挻身d, 之後先放食物再入焗爐。總括嚟講以一件pizza嚟講唔算成功, but! 消皮行動係成功..hahaha..下次再有皮剩, 可以再試下新方法!
唔你係喎，睇見都好吸引。
回覆刪除thanks!夠芝士一定好味..hehe
刪除都唔錯呀~~最緊要啱自己口味:D
回覆刪除topping ok ga,但個皮有待改善!
刪除咁快D有下一次喇，今次都唔錯，用改良版餅底可能脆過薯片呢👍👍👍
回覆刪除真係咁想食?hehe..好快!
刪除我諗用蛋漿貼實應該好過用水，無咁濕會脆啲，跟住直接入焗爐定型已經可以（個底已經搽咗油），同埋我諗會出水嘅材料會令佢唔脆，因為個皮太薄喇
回覆刪除woow..good idea!thanks!等我下次試下先!
刪除其實使咩要一下子消滅哂D皮？ 我一次買好多，然後放冰櫃慢慢用架。祝中秋節快樂
回覆刪除最主要係因為我放緊長假要搵d攪作, 而且我通常唔留, 因為一年都用唔到幾多次餃子皮
刪除整Pizza，咁都比妳諗到，勁
回覆刪除heehee...thanks!突然閃過唸到!
刪除又真係幾好既消皮方法!! 得呀!!
回覆刪除真係用到好多, 費時擺到幾年後搵返就浪費><
刪除I love Pizza too....Good Idea indeed :)
回覆刪除仲要一係唔食, 一食一定要重芝士!!!><
刪除其實紅衫魚同豉椒排骨pizza有冇得諗？～XDXDXD～
回覆刪除hmmm...咁你首先要試左芥蘭生日蛋糕先喇!!(唔係唔知講緊邊套戲呀?!heehee..)
刪除