上post講到我好灰鞋咁明明屋企得兩條友但就買咗成斤餃子皮, 咁包完食完餃子之後, 仲有好多皮剩。本來都唸住包多一堆餃子冰咗佢慢慢食, 但前一日先包完, 第2日又要包, 覺得好悶囉!
咁同阿媽講開, 唸住不如用嚟整錦鹵雲吞, 一係就直頭唔包饀就咁炸鬼咗佢點甜酸醬食就算, 勁鬼hea。點知阿媽聽完突然爆seed話不如整咖哩角, 我問佢點整, 佢話自己未整過...=.="不過佢都比咗d意見我嘅, 唸唸下其實平時超市買嗰d都係唔係好多餡, 最主要都係食炸嘢ja..hahah
材料只係得薯仔,洋蔥同埋甘荀細size各一個, 先將d薯仔切粒煲腍, 加少少鹽同少少牛油整成薯蓉先, 備用。
將洋蔥同甘荀用攪拌機打到徹底爛, 用少少油炒軟, 再加入黑椒,鹽, 糖, 蔬菜粉, 燕麥糠, 同埋主角咖哩粉, 要用雜貨舖細細紙包裝嗰種ya!
炒好後同薯蓉mix埋, 放涼後放入雪櫃雪15分鐘
放一小撮在餃子皮中間, 條邊沾少少水, 對摺痴埋
再用叉壓實條邊
嘩呢個方法快靚正, 下次包餃子都要試下用呢個方法先!!
慢火煎, 攪惦!!!
食後感 : 問心, 餃子皮點整都一定唔會有春捲皮咁香脆, 但個餡完全同平時咖哩角浸味一樣, 所以話一定要用街市細細紙包嗰隻咖哩粉, 總括嚟講係成功, 好味嘅!最重要係消滅到一堆皮!但仲有剩架!下回講埋我會用嚟做咩, 下次嗰個係終極消滅物資嘅嘢食嚟嘅!heehee...
好煮意喎，都唔使齋做餃子。
回覆刪除可以用嚟做小食!
刪除我整咖哩角都鐘意加入薯蓉做餡,剛過去的星期六我都整狙黎做下午茶
回覆刪除其實我都係見街賣嗰d都有薯蓉成份所以照跟..haha
刪除真係好，你娘親煮得叻，可以俾到建議你
回覆刪除最緊要係佢自己又中意煮呢!
刪除錦鹵雲吞sounds so good....can be the next trip?!
回覆刪除"阿媽聽完突然爆seed話不如整咖哩角, 我問佢點整, 佢話自己未整過...=.="" make me laugh on the spot...BTW what's the meaning of "爆seed"?
hahha....下一個係pizza!爆seed即係突然自我爆發潛能!hahahha...
刪除我都想食“敢老暈吞”,妳一定唔識整，嘻嘻嘻
回覆刪除Ok!BTW you咖哩角如果有D爽材料裡面，可能再好D，
(^_^)
你突登你突登你突登你突登你突登你突登話我唔識整, 想用激進法!!我唔會咁容易中計整比你食!
刪除入爐焗，會慳功夫呢
回覆刪除係yea, 我煎煎下先唸起點解唔焗!hahaha
刪除我LIKE 啊, 冇炸唔駛咁熱氣! 但又食到咖哩角味! GOOD ~
回覆刪除最緊要仲要消到皮!
刪除勁喎，1皮多味，妳買左好多斤皮呀?
回覆刪除1斤咋!!但又成8,90塊!都好多啦!
刪除有創意，我中意！最緊要係物盡其用又唔會悶爆~~
回覆刪除係!如果又係包餃子真係堅悶, 呢個包法都幾好玩, 又快!
刪除