網頁

6.9.16

突發假期



好黑仔呀!話說,上兩個星期一就快收工時,突然"brok"一聲停咗電喎,咁打去管理處,佢哋都話未知發生咩事,要check.咁反正仲有10分鐘唔夠就收工,於是大家就無深究齊齊搭lift收工。

第二朝一早,我差唔多出門口時,有同事打比我,話佢返到公司仲未有電!我即刻打去管理處,先知係全座工廠大廈都無電!重點係,呢兩日係唔會整得好!傳聞係因為有一層係做雪藏肉類的,佢哋經常性unpack同分割肉類時,令到佢哋自己嗰層地下成日都周圍溶咗嘅血水,我哋次次都好驚佢哋嗰層開lift門,好很臭!據聞佢哋已經收到好多之投訴同埋比食環警告。傳聞就話因為佢哋d死血水流咗入lift糟,燒著個電箱,而嗰個電箱係連住大廈條主電大陣,所以即係話我哋嗰日臨收工時搭lift落樓嘅時候,個電箱係火燭ing!因為又無警鐘響又盛,我哋完全唔知原來我哋差d一鑊熟!!!!!

唉,就係咁,我哋就無lala焗住停工2日,講真我唔會覺得開心有呢d假期囉,因為地球仍然會轉,工作始終都要做,咁樣即係積住d嘢一次過做!點知,原來呢單嘢,比我哋想像中恐怖,兩日又兩日,本來唸住最變態下一個星期一點都攪掂,點知一日推遲一日,出動到工程部同港燈一齊攪,最後竟然去到2/9先開得工!!!!!即係我哋total停工10日!!我公司係工廠,基本上可以講,機停手停!好可怕!!

今次呢個突發假期,好在我係做office,都仲要處理一點公事,但佔嘅時間好短。本來我打呢篇嘢嘅前半部時, 係覺得好灰的, 因為一個衝開嘅人突然要停下, 囉囉攣唔知點咁, 但去到後期再繼續打, 已經適應咗純家庭主婦生活, 連我老公都竟然話家庭主婦個屋企都企理d!日日都有新嘢食!hahaha...雖然我都覺得真係好自在, 起碼唔洗早起身, 不過咪攪我, 都係返工實在好多!!!

呢段時間起勢咁整嘢食, 整咗好多新嘢, 一d平時返工無咩時間唔會整嘅嘢, 下個post比大家睇, 呢段時間陪多咗dingding(都唔知邊個陪邊個..haha)呢個aunt真係好攪笑, 仲有少女味..haha

我地食飯準時, 期實dingding都係, 一夠鐘就會響飯枱前等開飯!

知唔知佢望緊咩呢?

好專心研究

咪就係望住自己粒毛囉...hahhaha

換個位繼續望

其實佢地點解成日都要望一樣嘢望咁耐?真係好得閒

好喇, 考慮咗成個鐘, 終於出手!

出手又點吖!結局係點吖,以下3張係一分鐘內發生嘅! 

2...

3!!訓著咗!!!人生呀!
ding : 「人生正是用來浪費, 唔抵得呀!」


19 則留言:

  1. ding ding真係好攪笑,以前我家豬豬都係咁,一到下午茶同晚餐時間就會座企企等食野

    回覆刪除
    回覆
    1. 佢仲準時過我!好似識睇鐘咁!d動物好勁!

      刪除
  2. 佢地好注重作息定時,但又D低能。夜晚個餐係我老公沖完涼餵,所以一見佢沖涼佢地就開演唱會一樣。但亦試佢夜D再沖涼,班毛孩好似冇食過野一樣又再狂呼我要開飯, 欠我好耐好還喎的衰樣。
    俾你講到, 都有D驚,一覺得間凍肉店點解咁唔衛生, 二覺得你真係無驚但有險啊.

    回覆刪除
    回覆
    1. 咁佢地真係好似跟足時間表咁, 我平時返工出門口時會比d零食佢先出門口, 頂, 到放假時都會響同一時間狂叫醒我比零食, 如果我唔帝起身就會出廳攪破壞掃跌晒d嘢!!
      係呀!!間凍肉好變態!所以有時我地知道佢供應邊間餐廳我地就一定唔會幫襯間餐廳!

      刪除
  3. 想像到啲血水+開門。。。好有鬼片feel,仲係臭嘅。。。
    王子話佢哋無電視睇,望耐啲當睇電視喎

    回覆刪除
    回覆
    1. 尤其夏天, 一開門就想嘔, 佢地d員工個身都有一浸臭冰肉味!!
      好慘呀hahhahahah....無電視要睇死物!!hahaa

      刪除
  4. 個間肉廠咁恐怖架。
    貓貓好可愛。

    回覆刪除
    回覆
    1. 間凍肉堅嘔心!!所以有時我地知道佢供應邊間餐廳我地就一定唔會幫襯間餐廳!
      dingding話thanks ee!

      刪除
  5. 叮叮做咩咁攰呀?真係老了?時間過得好快呀,叮叮一定要身體健康呀(*^^*)❤(ӦvӦ。)

    回覆刪除
    回覆
    1. 咩呀, 乘乘機機話dingding老!唔比人地眼訓><ding身體算好好..touch wood!

      刪除
  6. 回覆
    1. hahhaha...係咪一樣望住個碗發呆先?!

      刪除
  7. 妳咁多日係屋企,DingDing有無嫌妳煩,哈哈

    回覆刪除
    回覆
    1. 佢初初一兩日都不停圍繞我, 之後完全唔so我訓去最高位, 高到我惦都惦唔到><

      刪除
  8. 咁突然有成10日假, 比我就開心死! 哈)))
    冷氣狗, DINGDING 佢真係好鬼頂癮囉!! 哈))) 估唔到佢係訓左!!! 哈))) 暈底!! ^0^~

    回覆刪除
    回覆
    1. 開咩心吖, d嘢積埋一齊, 我而家仲未做完呀><
      hahahha...佢試過望到訓著再跌埋落地, 我見到佢好似滾地葫蘆咁好8痴..hahhaha

      刪除
  9. 嘩~~都好嚴重!好在你地無事!十日可以做好多嘢呢~~
    DingDing真係好好笑,我見到佢望住粒毛個樣忍唔住"KE"一聲笑咗出嚟XD

    回覆刪除
    回覆
    1. 10日直頭可以去旅行tim!不過其實都要做公事, 同埋一開始唔知咁多日, 係兩日兩日咁加上去架, 好乞人憎!!
      dingding係低能婆嚟架, 試過望到訓著再跌埋落地, 我見到佢好似滾地葫蘆咁, 當然我勁賤剩係笑佢!haha

      刪除
  10. Hahahahaha ding ding 真是一個心思細密的女子,係吾同角度睇一樣先行動果然有我遺傳

    回覆刪除

LinkWithin

Related Posts Plugin for WordPress, Blogger...