動植物的故事

大家都知, 我有一個屎坑花園, 近來就有件怪事喇!

hehehe...係咪好有鬼故feel..woow..

話說大約1年前, 我用種子種滿天星, 幻想個廁所發花癲咁多花, 好喇經歷咗發芽,幼苗呢d成長經歷, 兩個月間開始陸續死晒....okok, 係失敗咗明顯。咁都死鬼晒剩返d泥咪唸住掉鬼咗佢囉,但響呢個時候, 我見到響d泥邊皮位, 發現有棵好細好綠嘅葉響泥下面!因為我係用透明杯關係, 我每日都望下, 生長得極慢, 望咗成個月佢仲未出到泥面, 終於等到喇, 佢個樣完全同之前嘅滿天星唔一樣!其實無咩好在意佢, 係換過盆+泥, 例牌淋下水咁, 唸住都係一般小草。

好喇, 一年過去喇, 佢仍然係一棵好似雞毛掃堆砌出嚟嘅小草。我成日都問佢貴姓, 但佢都無答我..haha..你只可以話我個人真係堅hea, 我無打算栽培佢成材, 但又無咩原因掉咗佢。咁佢就由一條好悶嘅小草變成一條雞毛掃, 再一條一條咁加變咗一咋攣毛喇!

點知佢可能太悶啦, 又可能佢同其他盆栽做唔成朋友啦, 有一日我發現一條同佢完全唔一樣既植物響佢側邊, 咁我唸, 可能佢覺得自己頭髮太攣, 想搵個做咗負離子嘅朋友啦..haha

日子又一天一天咁過去, 我仍然無咩理佢, 都係比下水佢咁,間唔中又問下人知唔知我種緊咩, 咁繼續無人知..有一晚凌晨, 我同我媽煲緊電話粥, 廢事響廳講得太起勁太大聲嘈住我老公, 於是入廁所傾, 擔下天望下地咁, 點知怪事就發生喇!

睇唔睇到?近d睇多次!阿負離子個丫叉中間!

原來攣毛攪大咗負離子個肚呀!其實我都唔睇得勁清楚, 第2朝一起身, 見有太陽即刻影多次!今次好清楚啦!好多仔女呀!再細心睇, 攣毛都好似有d嘢咁喎!

好戲在後頭!過咗幾日我見到攣毛都嚟料, 原來佢地一齊大肚><

嘩原來我唔係種緊小草!但其實我都仲未知自己種緊咩, 咁就有返d心機喇, 放假我都會將佢地移來移去追太陽!因為我想快d知道係咩嚟!

                   

登登登鄧!!開花喇!hmm...菊類啦是叉但!

仲好多花lum!

生得好任性,好難影,好似蜘蛛..hahha

好喇好喇, 講完植物, 就輪到動物喇, 有請我地嘅dingding大人..yea(真係造作到想大巴大巴咁星佢...個貓奴)..hahha

有一日返工響衣櫃前面呆,唸緊著咩衫好, 突然感覺到有股好大嘅氣場由頭頂浸落嚟.....

不過其實ding都有時有一股容人之氣量嘅..幾秒囉!即使比個死奴當小丑咁戴條死呔都死忍到影完張相先發爛渣嘅!hehe..

*對白好似係:點解你要咁對我吖!(哀怨mode)

咁身為一隻貓, 最愛第一位一定係紙箱...不論個箱幾細, 都一定迫到入去嘅!

咩呀!唔抵得我fit呀, 你又試下坐入嚟比我睇下!哼!

我成身都fit, 剩係個心口大!可以"long"上個紙箱度抖涼!haha

大家記得背上的小ding嗎?

玩夠就上床瞓喇!

其實佢同奸夫好friend

好曬呀, 閂窗簾啦蛋散!

goodnight喇各位!