雪芳第一炮

我的爸媽將會今個星期六回港小住, 我正在倒數我的自由(肯定想打..哈哈), 事實一年幾先見父母一次, 每次一個月左右,  說不掛念是假的, 但掛念歸掛念,對我呢種唔定性既人黎講, 過慣隨意既生活,都要少少時間去適應有規矩有plan的節奏。 有時戚起條筋自己一條友去左shopping又唔定, 有時通霄聽歌至太陽出先上床又唔定,  有時唔想煮一人一碗公仔麵各自打機送麵都會...哈哈..我好享受毫無預算隨意既日子呢!

在父母眼中, 我至小都唔係一個聽教的人, 我亦樂於做一個壞孩子, 因為一般人對壞孩子要求都不會高, 只要我做一些理所當然既事, 都會受到至高無上既讚賞..哈哈哈..例如我肯在假日早上起床陪他們, 大家都會稱讚我好難得呢!哈哈..

媽媽說在美國吃到的麵包蛋糕都不好吃, 硬硬的, 但我的蛋糕, 還是停留在樣衰階段, 所以我呢個星期不停的整整整, 我唸我的同事已經食到想嘔..哈哈...大家就睇下有幾核突!

例牌我整咩都會攪到個廚房好似案發現場咁

其實我好中意望住個蛋糕升起果一刻

次次見到咁都好想尖叫, 勁興奮

居高臨下既誘惑(睇個窿都知結構好空洞!)

好勉強起咗模, 真係要好慢先令佢唔爛

結構真係差, 好鬆散, 蛋白打得唔好, 但味道ok, hehe

呢個只是第一炮, 經我呢個星期在書呀, blog呀, forum瘋狂翻滾後, 雖則未去到好完美, 但都進步不少, 下回再比大家睇我既2,3,4,5,6炮..哈..就會明我今次有幾咁不到黃河心不死。