香蕉朱古力包

我自從開始學整包包後, 簡直深深地愛上此手作!之前都講其實我係唔中意食包, 中意果位係我老公。但我仍然非常享受製造過程。我仍然集中整有餡包同甜包, 因為我較為中意食!

今次整既係香蕉朱古力包, 香蕉+朱古力無得輸啦!但此包可能有蕉蓉關係好鬼痴手, 加多左手粉攪到有d乾,下次都係要用機打,兼要加多少少香蕉蓉就夠晒味啦!

今次係base on carol老師既香蕉餐包食譜改動左d而成既, 加埋朱古力好正正!! 

材料:
香蕉蓉 - 180g

高筋粉 - 270g

低筋麵粉 - 30g

煉奶 - 30g
速酵 - 1/2茶匙
奶 - 60ml

鹽 - 少許

粉團搓至光滑面可拉起薄膜後發酵至兩倍大。

分8份又休息15分鐘先

 上網睇到呢款整型, 又想玩下, 好明顯技術仍要改進!

太有彈性, 毫無耐性〝.〞搓搓下忍唔住就咁扯長就算..哈

無耐性扯長既結局係想斷..哈哈..發酵多個鐘先!

放埋朱古力釘同埋懶靚裝飾既蕉片焗得!170度20分鐘!

食得!無我想像咁大蕉味, 下次加多D蕉蓉, 好彩面頭塊懶靚蕉片攞返D味jar!