老公的生日大餐

睇標題係咪以為係我老公生日呢?hehe..no no no! is me!
響n年前, 有一個偉大勇敢的女人痛左n咁多個鐘, 生下一個肥肥的寶寶, n年後這肥寶已變成一個大美人(唔知醜字點寫..哈哈)講返正題, 點解係老公生日大餐呢?首先講明, 此君只懂煮罐頭湯, 即食麵, 打蛋, 講完!哈哈...所以響我一年一度的生日, 我就要比一個不可能的任務佢, 就係煮一餐比老婆食啦!!hehe..

因為我係勁中意食栗子, 栗子蛋糕又點少得, 買蛋糕時, 仲買左兩個叫"升級栗子撻", 響我等老公煮野時食既..哈..嘩真係好鬼多栗子蓉, 好鬼正, 又唔係太甜, 讚!

湯 - 罐頭洋蔥湯, 無肉版本, 好多洋蔥!

 

前菜小食-  法式焗田螺, 係我地都喜歡的食物,好味!

主菜 - 雜菇(白,啡磨菇,日本xx菇)間條彩色蝴蝶粉配意大利雲吞, 睇落其貌不揚, 但非常好味, 因為個汁煮得好濃!

係用呢包意粉煮, 我這個c9,之前見到色彩繽紛又有間條既意粉已勁愛, 但覺得貴又細包唔捨得買, 今日見到話比老公知, 佢直頭買左兩包叫我慢慢煮,話我c9無我咁好氣咁樣, 型棍!

最後今年老公送左3樣禮物比我, 打麵團機, 本來係我自己買, 順利成章梗係叫佢磅水..hehe..香水, 其實年年都會送一支香水, 呢支係我呢兩年用開既牌子, 感動位係我老公唔會識呢d女人野, 佢竟然膽粗粗自己去買, 再次型棍!最後梗係點少得大利是一封啦..hoho

最後雖然飽到癲, 但生日一定要有生日蛋糕既!細細個岩岩好!不過唔夠個撻好食!

呢餐睇落好簡單,對我地呢d煮飯婆黎講一個鐘都唔洗就煮好既easy job,  但此人用了3.5小時煮比我食, 對佢呢D唔煮野既人黎講好叻, 亦令人好感動!我最好既禮物就係搵到個對我never say no既好老公, 仲想點呀!哈哈...

月尾爸爸媽媽就會連人帶禮物返黎香港, 到時又會再慶祝多一次, yeah!!!好開心既3月呀!!la la la...