唉..人真係要從失敗中去學習!有關烘焙, 我仍然係一隻豬, 以為整糖跟足食譜就無死, 但有D野就真係要自己用經驗去執生!
所以整完呢個薑糖之後, 我就嗱嗱聲死去買書, 希望今年新年有自家糖果!
材料 :
薑150g
黑糖430g
油2大匙
水麥芽70g
水100ml
熟糯米粉少許
原來150g薑得咁少, 我買唔到老薑, 買左中坑薑
我用硬沖繩黑糖磚+鬼佬紗黑糖先夠430g
我唔明點解用機攪係唔見薑汁, 點解呢?手磨囉手磨囉,哼!
用油先爆香薑蓉
除熟糯米粉外倒入其他材料
好緊張呀, 溫度直升, 目標係120度軟糖
預備焗紙和長方形兜
把夠120度的糖倒入, 要小心呀!!!
待完全冷卻變成軟糖既硬度時可取出(崩了的一角係我試食..哈)
一邊先灑上熟粉反轉撕紙再灑另一邊
切得啦, 呢把野係廢既, 我最後用左大菜刀!
究竟係衰咩收尾呢, 就係其實呢款軟糖係要用米紙同糖紙包裝既, 當我發覺時, 已經溶左大半, 味道係無問題, 夠香黑糖味亦夠辣, 好似新亞薑糖, 下次真係要醒目d!!而且唔整唔知自己工具既不足, 但我已經準備好晒, 下次會整的係黑芝麻糖...hehe
說真, 好想試食....讚﹗
回覆刪除謝謝你喔博師奶, 留返d比你...hehe
刪除我未用過米紙, 聽聞好麻煩, 等你做左我再偷師.
回覆刪除係咩???我又無聽烘焙友同事講係煩喎, 等我試下再報告!^.^
刪除溶唔緊要, 自己食最緊要味道無問題。
回覆刪除咦....你有啲似.....羅信記.....
其實係架, 自己食樣衰都無所謂啦, 不過送比人就攪笑d..hahaha
刪除羅信記?!...哈哈哈...好好笑
叻女呀
回覆刪除thanks ee!!我會繼續努力!
刪除快D整芝麻糖啦，我想食芝麻糖丫
回覆刪除整左啦整左啦!好評如潮, 原來自己整真係好味d!過兩日出post!hehe...
刪除用蛋糕的紙杯得唔得， 有D紙杯都有臘的呀。
回覆刪除唔係用杯載, 係直頭要獨立包裝, 活到老學到老呀!!=.="
刪除勁啦!! 會食到薑蓉?
回覆刪除你咁講果薑糖會溶?
可能食到最尾有機會感受到少少薑蓉, 但其實唔講係唔會知既!
刪除佢唔係溶到變水, 係成樽痴埋變左一舊過...哈哈哈, 但包左米紙同糖紙就唔會有呢個問題lu!
做咗咁多功夫有少少美中不足，真有啲唔低呀！
回覆刪除咪係!我真係好鬼豬, 不過總要從錯誤中學習, 下次應該會好好多呢!
刪除米紙去邊度買架?
回覆刪除心急人, 二得惠有得賣^.^
刪除整硬D會唔會好D？例如雪吓佢等唔會痴埋一齊,得唔得呢？
回覆刪除因為我想食新亞薑糖版本, 所以係軟糖, 硬左就唔係果樣野啦!其實唔洗雪架, 只係獨立包裝就得架啦!^.^
刪除再接再厲!XD
回覆刪除thanks teddy!!係呀係呀,我會好快又做多次!!
刪除雖然你話個樣唔係幾好.但我覺得好像很好\吃.應該會是一些不太辣的薑糖.
回覆刪除係好好味架，好香，不過都唔係唔辣架!你好快會試到呢，因為我預備給你的糖果盒將會有佢呢!
刪除睇落真係唔錯 , 我諗味道應該會好好 , 薑糖會唔會好辣?
回覆刪除佢既黑糖味勁濃!
刪除大人應該ok,但小朋友我唸減1/3薑會好d!
你真係好like薑wor！
回覆刪除Le個都好似樣呀，叻！
thanks 乖媽，係呀我真係勁愛薑，尤其而家咁凍真你岩晒！
回覆刪除