自家制新年糖果

嘩, 終於過咗呢過辛苦的星期六日。原來將一樣你覺得好好玩既嘢變成一個 job, 係好無fun 架!!仲好痛苦tim!

之前講過今年要整新年糖果給在外地的家人, plan左剛過去的星期日整, 好在星期六得閑突然想早d整,  嘩原來一日做4款糖係絕無可能既事, 真係自視過高!最後分兩日, 每日做左兩款, 對我黎講已經係極限, 膊頭既舊患因疲勞而勁痛,加上之前仲要出左去兩次買料, 癲咗 !好彩訓左一覺好之後已經好返好多lu,好在仲後生ja..hahhaha... 但呢幾日既廚房就要收皮幾日啦!想攰死我呀!哼!(講到好似有人迫我咁, 其實老公一早就叫我唔好煮飯...哈哈)

雖然咁辛苦, 但一定值得既, 唔好理大家中唔中意食, 起碼自己好有滿足感, 而且自己整不但好食d仲健康d, 用料都靚d!食譜過多幾日post出黎, 其實只係間唔中做下, 整糖絕對係好好玩既煮意呢!

睇下我整咗咩啦!!

1. 芝麻花生糖

之前都整過, 吸收左經驗之後, 今次整得好成功, 壓得好實, 亦切得好整齊, 唔岩岩巉巉, 有經驗整得順利好多!(借舊post相一用）
 

2.南瓜子脆糖

覺得好似好健康咁, 但比想像中唔好食, 先醒起平時食既瓜子因為用醬油煮但呢個唔係果種, 不過其實都香既, 我老豆係nut怪, 我唸佢都會中意食!
 

3. 軟薑糖

 都係整過既, 今次包返米紙同獨立包裝, 容易食好多!
 

4. 花生軟糖

我掙扎左好耐整唔整呢個, 因為工序多, 又驚太複製會失敗, 我已經無時間失敗。但我肯定呢款一定好食, 雖然我自己唔係太好花生, 但我老豆同我老公都係花生友, 一定大愛, 於是整就整啦!事實又真係好叉煩, 係終極令我崩潰的, 原因在開獨立post時再講, 點知老公返到黎, 連啪5粒, 不停話好食,  一副驚為天人咁既樣, 我即刻由殺人樣變成得戚樣, 值得既!我相信家人收到都會一樣食得咁開心呢!

100年前響12蚊店買既食物抽濕包終於大派用場, 一次過pack好晒掟晒去郵政局寄晒去美國, 任務完成!!好!!收爐!!!la la la la la...