就算肥,都要食埋呢餐!

I love internet!!!我真係唸唔到呢個世界無得上網我可以點生存..hahaha..尤其對我呢d連超級市場入貨都係上網訂既人黎講, 無得上網會頓時失去依靠..haha...雖然我最中意睇既戲種係穿越時空嗰種古靈精怪戲, 但我個人嚟講係絕對唔願意穿越返古代囉, 我會因為無冷氣同無得上網而死!haha..

頂, 都話咗戒廢話, 成日都口水多過茶tim!好啦, 講返正題!話說呢我同我表姐就好鬼friend既, 個個月都會見下面咁, 事關我地18個老表中, 佢係排第一, 而我係排第二, 即係對咗呢條蛋散係最耐, 好難唔friend wor!佢係一個心思細密既蛋散, 又好鬼識得照顧人, 又靜又斯文, 同我呢個又多嘢講又粗心大意又癲癲得得既痴線婆好鬼登對..haha


我哋每次出嚟都為咗去食咩而煩惱, 因為好多食店都會限時限刻, 又要食又要講邊夠時間ja!又唔中意轉場wor!響我哋今個月見面前幾日都唔知去邊好既時候, 響巡blog時, 發現有blog友BBQ有好介紹!食日本嘢,惦!坐得耐,惦!食物ok, 惦!地區,灣仔,惦!頂4個惦緊係即刻book啦仲唸!所以我話呢,上網係幾重要喇!!

雖然呢排肥咗, 但一唸起可以食食食食食全日由睜開眼開始勁興奮!準時去到, 佢話我地要坐bar枱, 雖然我無咩所謂, 但我呢d死港女循例都要反眼白, 點知我一反佢就話送多杯嘢飲比我哋, ok, 其實我無要啦, 人哋都係循例反下ja, 又唔係要貪心..heehee
不過印象分大增啦!一坐低咩都無講就上咗個二人刺身拼盤比我哋啦!嘩, 好大呀!

嗱, 我哋有攻略既, 先食凍嘢-->熱嘢-->澱粉, 咁我唔食肉就專攻海鮮啦!再non-stop追加刺身!!!帆立貝個底有點心麵好得意!

右邊既"橡筋"好好好好食呀, 必點!!

燒鯖魚, 熱辣辣架!!!

表姐既黑薑茶, 我好中意隻杯呀!!

所有既熱食都係熱屎辣辣, 好明顯即叫即燒, 讚!

表姐唔生性, 竟然搏緊命時飲液體!!會肚脹吖嘛!!haha

必食item!!天婦羅蕃薯!甜爆!!

其實每次既咩all you can eat ar, buffet ar, 放題ar, 不論佢叫咩都好啦, 只要有我響度, 我都會覺得人哋唔會再想做我生意, 因為我食得太喪, 人哋會蝕晒本囉..haha..最後我哋last call就係叫咗澱粉, 反卷同埋芝士年糕, d芝士係熱屎辣辣爆漿!!我哋見到佢上菜, 擺明就係一個感嘆號啦!!!響呢一刻我哋真係要爆啦....個肚!連講明對減肥"never stop"既表姐都話好耐無食過咁飽!!!好癲!!

就響我地就快埋單之際, 之前嗰位侍應哥哥問我哋要咩雪糕, 可能佢見我真係無要多杯嘢飲又可能我哋真係太靚女啦..haha...響我哋大叫太飽佢都死要送多一個招牌甜品比我哋!!!haha..最後我叫咗豆腐雪糕, 表姐叫咗黑芝麻,兩樣都好好味!!

我想講既係, 呢度我哋會再嚟, 食物唔係超高質素, 但一定係中上, 無將貨就價, 我對坐在3個幾鐘, 爽快!最後, 大家唔好介意我好嘔心, 嗰日飽既程度係, 只要我食多一粒米我都肯定我會癩屎, 唔係肚痾嗰種, 係因為飽到滿瀉!!!!hahahhaaha...我哋最後行返落銅鑼灣消化呢個瘋狂既一餐!