食食食, 食唔停!

救命, 我好肥呀>.<
其實想當年我係超級大肥婆,咁而家就瘦左好多, 而因為咁, 我好怕怕怕自己肥返, 正所謂躺著也中搶, 我係果種飲滴水都會肥既人, 所以瘦左之後, 我成日keep住張肥婆相響電話, 一想失控食野就會睇睇, 即刻會停一停, 唸一唸! 對我呢個咁中意食嘢既人真係好慘慘!但為左靚無計啦><

咁話說新年放左成十幾日假, 完全放肆地食, 肥左囉!!!好大打擊!但返返工回復正常生活已經回落返一半, 咁都好d!但慘慘慘, 因為美食繼續黎..hahah..話說呢個星期係我牛一, 生日飯non stop><, 星期日老表gathering又會bbq, hahaha..好啦, 食埋呢個星期先減啦!!

今日同事請我食生日lunch, 咁得果一粒鐘梗係唔咁趕頭趕命, 食近近地算啦!其實呢間餐廳響我blog既第二篇已介紹過, 不過當時初開blog時得"零"瀏覽量..hahah..所以而家再講多次..haha..

我耐無黎, 因為平時lunch我只食一份3文治好少出街食啦!

夏天時, 我見佢門口種晒香草, 今日黎就無見啦!

我中意呢度因為好舒服, 無趕頭趕命既感覺,裝修得好raw!(頂, 大背光!)

cashier旁放左漫畫比人隨便睇

仲有雪條!但我無咁多時間慢慢食雪條啦!

頂, 想影比大家睇, 原來反晒光tim!

自家cake

coffee or tea?

其實佢地係一間新派素食餐廳, 唔會有素肉果d,  全部都係用蔬菜做主料!今日既前菜係(我估)甘荀洋蔥香草沙律

西洋菜濃湯, 好得意呀, 其實我無唸過西洋菜打爛做濃湯!

今日突然有飯癮, 食菠蘿炒飯!勁足料, 唔油!岩晒我!

好飽飽!!!好(肥)滿足!!飲埋我最愛既榛子咖啡完美句號!!飯氣攻心想訓覺!!!><

大家想唔想知我以前有幾肥呢?好啦, 比你地睇下啦!!!唔好嚇親呀!

.

.

.

.

.

.

.

.

.

.

.

.

.

.

.

.

.

.

ding : 我無辜架!奴迫我做代表, 明明我係瘦....

MUM

地址

:

黃竹坑香葉道2 號 One Island South 地下G07

電話 : 2115 3348