3x啦=="

細個生日時會好期待, 好想知阿爸阿媽送咩呀, 有幾好玩咁, 到大個少少有自己朋友時,都仲係會好期待, 個生日會幾盛大就代表自己幾受歡迎, 唸返覺得好無聊..hahaha..到而家啦, 今年已經3x歲, 講真, 都唔算好期待..haha..是鬼但啦, 放自己半日假算啦!

點知響12/3凌晨12:00之際, 我剛沖完涼一開門就見到呢兩條蛋散組合既一幕...(某蛋散知我會放上blog, 逃之夭夭..haha)

原來某人因為比老婆投訴唔夠sweet, 所以示威以表示自己係sweet heart!

阿sweet heart蛋散仲響老婆生日前放自己假去張羅一番, 對於一個平時非心思細密既麻甩佬黎講好叻叻喎! 起碼生日3寶有齊晒丫!不能要求太高啦!hahaha..

當然加埋佢身邊條花生友完美既配合(起碼無撲火..haha), 成個畫面先夠完美!

最估佢唔到既係, 我只係同佢提過下想買壓麵機, 佢真係買左喎!勁!

雖然唔係d咩貴重嘢, 但首先佢終於記得我講過咩先丫, 而且一條麻甩佬成個傻仔咁走入i love cake, 買部自己都唔知係咩黎既嘢, 型喎!haha..(雖然最後有口福既係佢, hahha)

第2日放自己半日假, 阿sweet heart蛋散問我lunch想食咩...hehe..我大晒緊係食平時佢唔會理我既嘢啦!於是我地兩條友就去左灣仔食我認為係最好味既魚‧蛋‧檔!!!

我唸大家都知道我係一個魚蛋精!你以為3碗我會夠咩?!no!第4碗is coming!!

食完之後堅係超級飽, 兩條友就散步式行去銅鑼灣, 講真我真係無咩唸生唔生日既嘢, 只係想兩條友行下買下relax下已經好開心!去到聾貓店, 買左我最中意玩既印仔同埋我覺得好鬼靚既筆袋!係係係, 雖然3x歲, 但我仍然係長期低b..heehee

去到無印, 見到d床舖有我中意既灰色同我中意既間條, 好靚呀, 一於買買買!

最後當然唔少得零食食食食食啦!

行到差唔多5點幾係時候返歸lu!如果你話一個男人好恨搵到一個可以同佢食麥當勞既女人, 身為一個女人, 我會話我好想搵一個可以同自己做無聊嘢, 毫無目的地陪你喪行既男人, 而呢個男人最重要係望住你食4碗魚蛋都未抓狂, 所以我真係好感謝身邊呢條蛋散, 陪我過左個又hea又無聊but so sweet既生日!^^