領養‧絕育‧善待

大家唔好介意, 呢個post我堅係好多嘮叨,仲又長又粗鄙, 因為我真係好忟憎><!!

響早排, 我目睹一件好悲慘既事, 總之係流浪貓死去既事, 詳細唔講, 因為我都down左好耐。正正因為呢件事, 令我唸左好多嘢。我以前成日唸流浪動物有一餐無一餐, 又日灑雨淋, 但係佢地自由自在; 有d比人養既, 比人縛住條頸, 響一個狹窄烏糟既空間, 有d無知既人仲會用貓嚟捉老鼠既, 但佢地起碼有餐飯食, 起碼唔怕比車車死, 咁究竟佢地希望自己做邊種呢?香港既流浪動物雖則已比強國既幸福, 但睇下日本, 人地呢d真係叫善待動物!

我認我從來都唔係一個沉得住氣既人, 響任何環境下不平則鳴係我原則,話我厚多士咩都好, 做人見到不公平既事就唔應該龜縮。所以當我遇到有人做出一d我認為對動物唔好既嘢我都會一定出聲, 其實有d人只係無知, 我會好聲好氣, 但如果遇到無知得嚟又好仆街既人, 就算佢幾惡我都可以惡過佢癲過佢, 果d咩貓好中意食老鼠呀,貓有9條命既謬論, 頂真係唔該柒少陣當幫忙!!

尋日我見到平時幫襯既藥材舖多左隻貓, 一問先知原來平時養響閣樓, 我見佢用條鏈cool住佢條頸, 而貓貓不停想跳高, 但條鏈太短都扯返落黎!隻貓大約6-8個月,但睇落似有左, 一問之下真係!!我同佢講生完b要同佢desex, 條仆街仲響度hea我!我真係好撚忟!!!但我突然想起那隻比車死的貓, 唉...我今次終於按下我既怒火, 我沉住氣同佢講生完b,我幫佢聯絡本區cccp帶佢desex再拎返比佢, d bb 如果佢養唔到就幫佢搵人領養佢唔洗比錢, 亦唔會煩到佢, 我講到明我不到黃河心不死, 如果佢唔promise我會日日嚟煩佢, 又可能我控制唔到我殺人既眼神,最後佢都勉強應承左我,呼~~

呢d事忍一次都嫌多,以前都試過有d人唔聽勸說, 我同義工試過去偷貓,又試過不下數十次做潑婦駡街..唉, 我估唔到我要咁做!
希望大家如果見到d舖頭貓都提下店主要desex, 唔好比佢地搏命生!唔好買動物, 要領養!哎呀個腦好攰呀, 太heavy啦, 睇下我地家dingding都係來自街市架咋!剛來我家都係小魔怪一隻!

剛剛好似鼻屎咁細粒, 又瘦耳又大,同阿河一樣大。

嘩, 快高長大!輪到阿河變鼻屎..haha(攝於13年)

而家!哼, 除左嘆世界我唸唔到佢有咩忙!

 

我起身佢都唔捨得落床!佢又好啦唔洗返工!

寧願冥想都唔歡送我出門口><

領養既貓都好可愛架!係串d囉...

ding : 咩呀!!