我父母一向形影不離, 不過阿媽今個月懶有型一腳伸開阿爸返黎香港逍遙渡假!haha..阿爸可能以為自己今個月可以做一隻無腳既雀仔自由自在, 不過觀乎老豆打嚟既密度, 我唸佢寧願做隻籠中鳥..hahaha..而我見阿媽shopping買親既嘢都係比老豆, 又成日掛佢響口邊, 呢兩條友真係煩鬼死!
咁阿媽係一個好鬼活躍既人, 日日都躝街約朋友,又游水又盛, booking排得滿過我,不過佢差唔多日日都會返黎晚飯既, 咁我就好順利成章做癱妃, 一返屋企就可以張口既感覺太正啦!!!>.<
有日我仲未起身我阿媽就問我晚餐想食咩, 我唔知點解半夢半醒下講左想食粢飯, 嘩頂,型呀, 夜晚就有得食啦!haha...
一斤糯米先浸半日, 加點鹽or蔬菜粉煲飯, 我係軟飯皇, 所以加左多少少水, 用左兩碗。炸菜切小粒(阿媽話咁樣出味d喎)
油炸鬼切段焗脆
紫菜素肉鬆
開好壇準備作法!(媽在blog上鏡率好高!)
我就中意用竹蓆, 阿媽就中意用毛巾
我就中意勁大舊, 佢就中意細細舊..haha
油炸鬼要按扁先好包
嘩頂, 堅正!好軟糯, 中間d料好脆!(阿媽)邊包(我)邊食!!!食左4舊!!
嗱, 我係癱妃jar, 但我唔係廢柴!呢段時間我都有負責下煮嘢食架!釀焗蕃茄+薯蓉+磨菇素辣腸通粉
最重要係整咗double份量既黑芝麻花生糖!(請無視後面的貓廁)
我一向都想自己整粢飯，因我係好喜歡食，想到裡面的榨菜同油條就開心呢，好，的起心肝假日整來做早點先
回覆刪除我都好中意食, 但我覺得好煩, 所以我都係整過一次, 但唔見過阿媽整, 發覺佢原來仲多工序過我, 所以我響佢臨飛前迫佢整多次比我食!heehee..
刪除我想食油條，但係唔想自己整喎，嗚鳴.....冇得食.....
回覆刪除嘩你平時整d嘢咁鬼覆雜你都整, 油炸鬼反而唔想, 嫌簡單係咪?!hahah..
刪除其實妳性格係咪似妳媽架，wahaha...
回覆刪除妳唔講，都冇留意個廁所tim，DingDing個私家廁所都好大喎
hahaha...點解咁講?我結合左阿媽既爽快同阿爸既懶...haha
刪除佢呢個廁所好鬼耐喇, 而家要拆門比佢伸個頭出黎all.
勁！原來你媽都係煮得之人
回覆刪除佢係勁煮得, 佢而家食素d素料都係自製, 好癲!
刪除世上只有媽媽好
回覆刪除可惜一年只見得一次><
刪除我是超級粢飯fans，不過好耐無食囉。
回覆刪除其實我都係呀!!不過懶整, 出街食又硬到死!
刪除嘩，妳就正啦
回覆刪除而家迫阿媽整多次..heehee
刪除我係癱妃jar, 但我唔係廢柴 <--- 哈, 笑死!! 咁都比你膊倒!! 哈))) 真係唔係廢柴呀吓!!!哈)))))
回覆刪除真係好耐好耐好耐冇食過, 好想食呀!!!我都鍾意大舊D, 揸住咬吓咬吓, 食到咸咸脆脆又煙UN~ WOW... 超正!! 頂~
係呀, 尤其剛整好果d, 外軟內脆!!仲暖暖地!!!
刪除我而家又新見解, 我中意食細細舊多d, 因為一舊一舊接住食, 感覺好似可以食唔完咁, 一舊大大舊食完會好失落...hahhaha
好耐無食過粢飯了，睇見有些想食....
回覆刪除其實我自己對上嗰次食都好耐lu!
刪除我好耐無食粢飯啦~~~見到好想食~~~
回覆刪除我父母都好多節目，不過都係阿媽忙D，你可以做癱妃，但我爸媽不時唔返嚟食晚飯架！我放工要返屋企做阿四……
因為我一年先見阿媽一次, 佢先會縱容我做癱妃啦, 如果一齊住日日對住, 佢肯我都唔好意思啦, 不過主要都因為你夠乖女啦, 點可以同我呢類懶精比..haha
刪除哇, 係娘親真係勁呀, 真係羨慕.
回覆刪除我有買你上次介紹citysuper既齋漢堡呀, ^^
係咩, 點呀你中唔中意食呀??有無買埋其他, 例如個肉批都好得!
刪除你媽媽的製品一定好好食~~ 有識整嘢食的媽媽好幸福~~~
回覆刪除係好好食, 因為好軟, 入面勁脆!可惜我一年只見媽媽一次><
刪除點解咁多人好耐無食粢飯嘅？唔…可能街嗰D真係難食D，媽咪整得好軟綿綿，可以食好多都唔會頂胃，真係好好味:P
回覆刪除芝麻糖食到停唔到口呢…正
咁鬼麻煩, 你估真係人人都咁想做咩, 我都係整過一次之嘛!我已經迫媽咪聽日又整啦, 我地又可以拆餐勁!!wakaka..
刪除你呀, 有得食好食啦, 我短期內唔會再整糖架..heehee
點解咁多人好耐無食粢飯嘅？唔…可能街嗰D真係難食D，媽咪整得好軟綿綿，可以食好多都唔會頂胃，真係好好味:P
回覆刪除芝麻糖食到停唔到口呢…正
我都好鍾意食粢飯, 但屋企附近都無得食, 有媽媽整真係好幸福.
回覆刪除我有時都會勁有心去上海舖買，不過都有d偏硬。阿媽整無敵!所以已叫佢臨走整多次呢！
刪除你返黎又可再食.哈哈,真的咁好食嗎!
回覆刪除係勁好食, 我而家又想食啦, 不過一唸起要整就懶, 都係等到新年比機會你整比我食啦...hhahaha
刪除