半山花園道心齋

之前提到爸媽返香港, 媽媽的弟妹, 即係我的阿e舅父為他們響半山花園道心齋攪咗一餐當聚舊, 本來都無諗住特別介紹, 不過我覺得如果多人的話, 呢度都係一個好去處, 所以都不妨show下比大家睇。

頂呢個post之前已經諗住出, 拖下拖下爸媽返埋美國都未出, 好去片!

呢間嘢應該有兩層, 點解係應該因為我唔太sure, 因為唔係我book又要第一次去,我地一去到見到係一間正常酒樓咁既樣, 之後經理叫我地上樓上, 成層好似卡拉ok咁只有一間間房, 我諗兩圍或以上就可以訂呢d房, 幾嘈都唔驚, 入到去覺得裝修都幾高雅。

通常出親黎食飯多數都係長輩們一圍, 我地呢班做細既老表們自己一圍, 等班大人吹水未開席我地就搏命食小食, 侍應姐姐見我地餓鬼投胎仲主動比多幾碟我地^^.. d齋卥味好正, 唔會太咸, 唔會成泡汁!

芥末油膏配百靈菇 - 冷盤,我睇樣以為又係齋鮑魚果類嘢, 點之原來係菇, 但重點不在菇上, 係個汁, 非常好味,唔似單純豉油芥辣, 究竟係咩油膏呢?!

海珊瑚什果沙律 - 我要做copy cat!!以為海珊瑚通常會放入什菜沙律加醋之類, 原來什果都ok!!

黑松露野菌餃 - 我無食, 睇佢個款就知有冬菇, 最怕!

野竹笙素翅 - 食晒先記得影..哈哈..個湯底出奇地食到咸香,呢個係我第二碗..hehe

翠玉鳳凰扎

松仁榆耳百合燴翡翠 - 個名係咪要咁長呀, 有我中意既松子!

佛光普照 - 咪就係炒粒粒!哈哈..

松草花蓮子扒娃娃菜膽 - d松草花好似麵咁多, 索晒d汁好清甜

蠔皇金菇炆素麵 - 例牌嘢,無得輸!

蘿蔔絲酥餅 - 非常之好味, 好鬆化, 蘿蔔好香甜, 皮唔會太厚, 一咬開滾熱既汁流出, 好正!

糕點

生果拼盤劃上句號

我中意呢間齋舖因為坐得舒服, 唔會有扮牛扮肉既齋, 我仲昅到有齋邊爐打, 好少見,會黎試試呢!