早排同阿媽吹開水, 佢而家就full time湊孫啦, 咁講開佢就話阿妹每日返工時車埋個B去佢度, 7點幾返返阿媽度湊走, 返屋企成8點幾先再煮飯....
嘩唸起都辛苦, 雖則佢已經好幸福有阿媽backup,但真係堅攰!可能我個人懶到出汁啦, 煮飯嘅嘢好hea, 如果你叫我一放工放低手袋就去煮飯, 就算我真係肯去煮, 都會煮得非常難食, 會一路煮一路注入大量怨氣...hahaha...所以無足夠時間比我慢慢煮又有mood煮我會叫外賣啦..haha
咁有時都有例外嘅, 就算我唔太早返到屋企我都會煮, 就係我好想食某樣嘢, 而嗰樣嘢又好鬼簡單。
前幾晚響有線睇翻做深夜食堂, 見到茶漬飯, 好想食啊!
本身呢壇嘢已好鬼簡單, 我當然要用比簡單更簡單咁去整啦!我唔知係咪咩正唔正宗, 總之我就中意咁樣煮咁樣食啦..hahha
咩都唔好講,煲飯先啦!要煲得平時乾身一d。我屋企一向食飯都加d三色藜麥嘅。
三文魚略煎放飯面,我買刺身, 因為唔洗等溶雪, 重要係唔洗自己切!!!!hahaha
沖茶當然係茶包!比平時沖濃一d, 之後拎走茶包, 加入d醬油,味淋
加埋飛魚子, 「現成」醬油流心蛋(嘻嘻..), 嬸d飯素響面。食時倒埋杯茶落去, 快靚正又好味啊!!
人hea養隻貓都hea, 瞓到一塊嘢咁!!hahah...
好低能瞓到咀歪!!hahah
真係好簡單，比我仲簡單，就三文魚井，茶都唔駛沖，哈哈
回覆刪除唔得, 耍沖埋茶, 響個口裡面溝...AHHAHHAHAHA
刪除方便快捷好味，下次多D三文魚就好喇，加麵豉湯完美句號😋😋😋
回覆刪除WEI AR!人地叫"茶"漬飯,唔係湯撈飯><
刪除三文魚好肥美
回覆刪除下次買魚腩仲肥!
刪除我哋都係，煮飯加一湯匙三色藜麥，自我感覺良好。
回覆刪除啱!!係'感覺"!!hahha
刪除自己啱食最緊要，點煮都無所謂啦~~
回覆刪除就算想食但太煩都會拗底架..haha
刪除袁太唔食三文魚既呢
回覆刪除係唔中意食定唔食得先?
刪除仲有埋溏心蛋,食完好滿足
回覆刪除最重要係好好味又係現成嘢!!haha
刪除