呢幾個月都幾緊湊, 就係因為咁, 時間真係過得好快!
10月時爸媽都返咗香港小住幾星期, 跟住佢地就要返去過full time 湊孫的日子!
亦因為咁, 今年暫停一年去美國娘家過新年,呢個世界真係冥冥中自有主宰, 好在我呢個咁突然嘅決定, 因為我老公響新年前入咗醫院, 如果唔係到時都唔知飛唔飛好!
其實佢係咩病入咗醫院?到而家都唔知, 可能只係好小事嘅過濾性病毒, 但攪到入醫院係因為家庭醫生放假去咗睇另一個黃綠醫生, 就係咁入咗院呢個日子令佢瘦咗半個碼。
咩都好, 總之佢出咗院之後, 為咗比佢可以快d recover, 我突然廚藝大爆發囉...hahahha....講得幾誇都有...差唔多日日都三餸一補湯,我覺得我自己突然好賢良啊!haha... 頂但係我呢d躁火底飲咗幾次補湯即刻下巴生粒粒啦, 係時候煲返d湯for我自己囉!
呢個甜水, 我真心要share, 因為響我老公入院初期, 因為唔知佢咩事, 醫生就係咁試唔同嘅抗生素, 攪到佢成個人又乾, 又成口飛滋, 咁我無理由睇住佢咁都唔理啦, 即刻訪問阿媽, 佢就教咗我呢個, 我見全部都係一般嘢啦, 同西藥無衝突就嗱嗱聲買嘢煲拎去比佢。
嘩好amazing!佢飲完瞓醒已經無晒飛滋啦!!!
材料 : 馬碲半斤, 芫茜2大扎, 甘荀2條,粟米2支
我媽話馬碲好處多係重點, 所以我落多d, 但我唔中意拍, 攪到周身水!
莞茜都係主角之一
我真係唔明點解有d人可以切到粟米咁薄, 我就真係無本事..haha
咁所有嘢切好晒凍水落,我大約5L水, 事鬼但好求其, 兩個鐘可加兩粒冰糖當水飲。
呢排咁潮濕好易濕疹發作我都飲呢個啊!
至於我老公?放心!同上面隻肥貓一樣, 已經完全好返晒亦變返做隻豬喇!HAHA..
有時上天編排嘢，真係女好奧妙. 好似要編排你留hk.可以照顧到你老公. 而家冇事就好.
回覆刪除你父母要揍孫. 你係咪做咗大姨媽囉!恭喜
係啊我做咗大e媽...hahaha....呢個稱呼用咗一d時間去消化, 但其實兩個e侄未識講嘢..hahaha
刪除好耐冇見，原來是忙於做賢妻。
回覆刪除馬蹄真係好清熱。
係好耐無浦面喇..不過而家無事lu會出多d post!
刪除作者已經移除這則留言。
回覆刪除好耐冇見妳喇,老公好番晒就好了,我都經常煲粟米甘旬馬蹄水架,不過就唔落芫茜,因為袁生唔愛呢
回覆刪除hi 袁太!好耐無見喇!
刪除我都唔中意芫茜, 但無計鬼叫有益, 不過好彩煲完又無咁大味!
無事就好了，呢個湯水好似啲小朋友出疹時飲嗰啲
回覆刪除係呀直頭就係出疹飲!!我唸都係不外乎都係因為兩樣都有熱毒啦!
刪除瘦咗10磅， 驗血咩都check過哂，都唔知咩事，高燒到有幻覺呀，而家胃口變哂又大食，好彩有妳照顧，Thx
回覆刪除無晒水腫人都輕咗😎
你又好啦無咗10磅水腫我都想!><
刪除🤣🤣🤣
回覆刪除作者已經移除這則留言。
回覆刪除仲以為你唔再寫blog 添! (但其實我都懶左好多)
回覆刪除而加病菌太多, 平時真係要好好保養, 打好個底.
我真係唔明點解有d人可以切到粟米咁薄, 我就真係無本事 <-- 你切到四舊已經比我好, 我通常就喧用手 "咬" 斷一半就算
大家都懶爆..haha..但我有去睇你旅行遊記!
刪除我以前連咬斷都無, 成支隊落去, 係有次出去飲例湯見到d渣先知要切..hahaha
我都鍾意煲D清涼野解毒的。平時食食埋埋，吸收野D化學製品／污染。
回覆刪除尤其天氣潮濕身體好濕毒
刪除黃綠醫生係邊間大學? 某D外國大學既醫科好易入, 唔似香港咁, 最top先入到, 外國係儲夠學分就可以轉去讀醫, 好渣既.
回覆刪除